Abbas Bağırov özündənrazı olduğunu etiraf etdi

Əməkdar artist Abbas Bağırov özü ilə bağlı maraqlı etiraf edib. 

    Əməkdar artist Abbas Bağırov özü ilə bağlı maraqlı etiraf edib. Müğənni haqqında deyilən “özündən razı” ifadəsinə münasibət bildirib. O, həqiqətən də, özündənrazı biri olduğunu söyləyib:“Niyə də özündəm razı olmayım? Biri var heç nə bacarmayasan, amma bu cür davranasan... Biri də var ki, mənim kimi hər şey edirsən, əziyyətin var. Hər işimi özüm görürəm. Mənim üçün ən önəmli musiqidir. Bununla bağlı nəsə etməyə gücüm, sevgim var. Bir də mən peşəkar idmançıyam. Özündənrazıyam, musiqini də sevirəm”.

   Müğənni Röya Ayxan sosial şəbəkədə yeni fotolarını paylaşıb. Sənətçi sevənləri ilə maraqlı sirrini bölüşüb:

“Hara qonaq getsəm və ya evdə olsam, hamı kimi rahat yerdə oturmuram. Ən narahat yer mənə rahat kimi gəlir. Həmişə deyirlər, ay bala, düş, adam kimi otur. Əl-ayağım da hər zaman buna görə qırılır. İndi deməyin harada, necə oturdun. Mənə belə yaxşıdır”.

    Köhnə “Dəyirman” qrupunun üzvlərindən olan ABD Malik yeni klipini təqdim edib. Klip sözləri ifaçının özünə, musiqisi Emin Kərimiyə məxsus olan “Million roses” adlı mahnıya çəkilib. Rejissorluğunu Fərid İsmayılov və Yusif Cəfərovun etdiyi ekran işində rolları Emin Yusifov, Cəmilə Əhmədzadə canlandırıb.

   “Eurovision 2011” mahnı müsabiqəsinin qalibi Eldar Qasımov “Anladım” adlı yeni mahnısını dinləyicilərinin ixtiyarına verib. Musiqisi Serxan Muradova, sözləri Rəşad Əliyevə aid olan- mahnının aranjimanını Orxan Bağırzadə edib.

 

Əhəd Miriyev

 

Muz-Tv.az