Aygün Kazımova turneyə hazırlaşır
Xalq artisti Aygün Kazımovadan yeni xəbər var. Türkiyəli təşkilatçı Dəmir İsmət müğənni üçün layihə hazırlayıb.
Xalq artisti Aygün Kazımovadan yeni xəbər var.Türkiyəli təşkilatçı Dəmir İsmət müğənni üçün layihə hazırlayıb. Belə ki, o, sosial şəbəkədə A.Kazımovanın turneyə hazırlaşdığını bildirib: “Azərbaycanın divası Aygün Kazımova bu yaxında dicey Murad Yapraq, prodüser İlkan Günüçlə birlikdə Türkiyədə çıxaracağı yeni sinqlına və turneyə hazırlaşır. Bu layihə çox danışılacaq”. Qeyd edək ki, A.Kazımova daha əvvəl Altan Çətinə məxsus “Arama beni” adlı mahnı hazırladığını bildirmişdi.
Əməkdar artist Elza Seyidcahan haqqında xoşagəlməz məqalə yazan hər kəsi məhkəməyə verəcəyini deyib: “Şeirlərimi ələ salırlar. Mənə xələl gətirmək üçün hərə bir kompüter arxasına keçib, nə gəldi yazır. Özü də ki, yazıların çoxu məndən açıqlama alınmadan verilir. Hansı ixtiyarla belə edirlər? Dəfələrlə xaricdə Azərbaycanın bayrağını qaldırmışam. Xalqını sevən, tərənnüm edən, dövlətin əməkdar artistinə, Bəstəkarlar İttifaqının üzvünə bu cür tərbiyəsizlik edilərmi? Allaha şükür, Elzanı hamı yaxşı tanıyır. Bu cür sözlər onun nə tərbiyəsinə, nə də savadına ziyan vurmaz, qara yaxmaz. Buradan mənim şeirlərimi ələ salanlara xəbərdarlıq edirəm: özünüzü yığışdırın. Yoxsa, hamınızla məhkəmədə görüşməli olacam. Haqqımda boş-boş şayiələr uydurmasınlar, onları məhkəməyə verəcəm. Məni xalqın gözündən salmağa çalışmasınlar, onsuz da, bacarmayacaqlar. Özlərini Allahın nəzərindən salacaqlar. Çox xoşbəxtəm ki, nə özüm, nə övladlarım, nə də nəslim həyatda heç kimə şər atmayıb”.
Müğənni Röya Ayxanı özündən çıxardılar. Sənətçi haqqında şayiələr yazanlara xəbərdarlıq edib: “Sayqılı olacaqsınız... Bir də hansısa redaktorun sübutsuz, sifarişli yazısını görsəm, çox incidəcəm. Sizi sevdim, hörmət etdim, sizdən də bunu istəyirəm”.
Müğənni Xumar Qədimova yenə də fərqli tərzdə mahnı hazırlayıb. “Mən özüm çəkim” adlı mahnının sözləri Mikayıl Müşfiqindir. Sənətçi musiqinin ərsəyə gəlməsi ilə bağlı bunları deyib:“Çox sevdiyim türk musiqisi idi. Onu ifa etmək istəyirdim, amma sözləri xoşuma gəlmirdi. Mikayıl Müşfiqin bu şeirini çox bəyənirdim. İkisini birləşdirib gözəl mahnı ərsəyə gətirdim”.
Əhəd Miriyev
Muz-Tv.az