Ədalət Şükürov : “Zövq başqa şeydir”

Əməkdar artist Ədalət Şükürov övladları ilə bağlı açıqlamalar verib. 

    Əməkdar artist Ədalət Şükürov övladları ilə bağlı açıqlamalar verib. O, geyimlərini qızının məsləhəti ilə seçdiyini vurğulayıb: “Zövq başqa şeydir. Hamı eyni köynəyi geyinsə, pis görünər. Buna görə də, bir köynəyə fərqli görünüşlər veririk. Geyimin yaxşısını səni yaxından tanıyanlar deyə bilər. İnsan zamanla övladlarında zövq formalaşdırır. Bəhrəsini görəndə ləzzət edir. Qızım da, oğlum da dəbi yaxşı bilirlər. Harada nəyin yaxşısı var, seçməyi bacarırlar. Elə paltarlarım var ki, onu qızım alır. Belə də olmalıdır... Övlad atasına, anasına paltar almalıdır. Mənim də geyimlərimdə məsləhətçi qızımdır”.

   Müğənni Röya Ayxan sosial şəbəkədə yeni fotosunu paylaşıb. Sənətçinin bir oğlanla üzünü əli ilə örtərək çəkdirdiyi şəkli müzakirələrə səbəb olub. Sənətçi fotoya “Mən sevirəm, bəs siz” sözlərini yazıb.Qeyd edək ki, R.Ayxan bir müddət əvvəl həyat yoldaşı, iş adamı Anar Cəfərovdan ayrılıb. Onun bu evlilikdən Hüseyn adlı bir oğlu var.

   Müğənni Sevda Yahyayevadan yeni xəbər var. Sənətçi “Aç mənə vərəq yaz” adlı mahnı hazırlayır. Bəstənin sözləri Leyli İsrafilovaya, musiqisi Hakan Erola məxsusdur.

   Müğənni Elton Hüseynəliyev avtomobilini heç vaxt sürətlə idarə etmədiyini açıqalayıb.“Maşını hər zaman normal sürətlə idarə edirəm. Sürət həddini aşmıram. Tələsəndə hərdən elə olur ki, 60 yazılır, 80 sürətə qalxıram. Bu yaxınlarda qəza törətdim. Amma buna da sürət səbəb olmadı. Çox sürət təhlükəlidir. İnsan həyəcanlanır. Hər an hər şey ola bilər. İlk növbədə, öz həyatımızı düşünməliyik. Bu gün piyadaları da başa düşə bilmirəm. Hərəkət qaydalarını pozurlar, təhlükəli anlar yaradırlar. Məşhur olmaq gözəldir, amma bu o demək deyil ki, qanun işçilərinə hörmətsizlik etməlisən. Nə zaman məni polis saxlayıbsa, özüm maşından düşüb yanlarına getmişəm. Amma etiraf edim ki, polislər də bizə hörmət edirlər. Əvvəl təhlükəsizlik kəmərindən istifadə etmirdim. Amma axır vaxtlar edirəm. İnsanlar mənə baxanda düşünməsinlər ki, məşhurdur, nə istəyir edə bilər”.

 

Əhəd Miriyev

 

Muz-Tv.az