Mətanət İsgəndərli : “Onlara etdiyim fədakarlıqları qaytaracaqlar?”

Əməkdar artist Mətanət İsgəndərli inamsızlıqdan əziyyət çəkir. 

    Əməkdar artist Mətanət İsgəndərli inamsızlıqdan əziyyət çəkir. “Həyatda o qədər zərbələrlə rastlaşırsan ki, ətrafındakı insanlara belə inamın qalmır. Hərdən o qədər inamsızlığa qapılıram, az qalır, ürəyim partlasın, yaxınlarına da güvənmirsən. Həmin an mən Allaha sığınıram. İllərlə inandığın adamdan elə bir hərəkət görürsən ki... Hərdən düşünürəm, görəsən, övladlarım gələcəkdə mənə qarşı necə olacaqlar? Mənim ana kimi onlara etdiyim fədakarlıqları qaytaracaqlar? Bu fikirlər həmişə məni narahat edir”.

    Müğənni Röya Ayxan dekabrın 19-u, 20-si və 21-də baş tutacaq solo konsertində sevənlərinə sürpriz hazırlayıb. Sənətçi “Xəyanət” adlı yeni mahnısını və ona çəkdirdiyi klipi həmin gün təqdim edəcək. Bu haqda sosial şəbəkədə yazan Röya konsertə biletlərin qurtardığını da bildirib: “Çox yorğunam, amma ayın 19-u, 20-si, 21-də sizdən aldığım enerji ilə “Xəyanət” adlı mahnımı və klipi təqdim edəcəm. Çox məyus oldum, eşitdim ki, artıq kassalarda bilet qalmayıb. Gələ bilməyənlərin yuxusuna girib oxuyaram. Radiolarda hədiyyə edilən biletlər imkanı olmayan pərəstişkarlar üçün ayrılmışdı”.

    Müğənni Ayan Babakişiyeva qadın cazibədarlığının seksual görünüşlə əlaqəsi olmadığını düşünür. İfaçı heç vaxt cazibədar olmağa can atmadığını deyib: “Qadın cazibədarlığı onun gözəl bədən quruluşuna sahib olması demək deyil. Qarşındakının diqqətini cəlb etmək üçün sadəcə, bir baxış da kifayətdir. Əgər bir qadında cazibə varsa, ona seksual olmaq vacib deyil. Məncə, seksuallıq qadın üçün lazımlı nüans sayılmır. Bu ancaq ehtirası artırır. Ehtiras da ötəri hissdir. Heç vaxt cazibədar xanım olmağa can atmamışam. Gəncəm, gözələm. Bu, mənə kifayət edir. Bəziləri elə düşünürlər ki, cazibədar görünmək üçün açıq-saçıq geyinmək kifayətdir. Yanılırlar, qapalı libasda da cazibədar olmaq mümkündür”.

    Müğənni Gülay Zeynallı ən böyük arzusunu dilə gətirib. Sənətçi kinoya çəkilmək istədiyini deyib:“Beş-altı il əvvəl bir filmə dəvət olunmuşdum. Vətənpərvərlik mövzusunda idi. Orada Həcər rolunu canlandırmalıydım. At üstündə, belimdə qılınc... O qədər sevinirdim ki... Amma sonra alınmadı, çəkilmədim. İndi ən böyük arzum Həcər rolunu oynamaqdır. İstəyirəm qılıncım, atım olsun”.

Yeniliklərindən danışan G.Zeynallı əməkdar artist Elza Seyidcahanın onun üçün mahnı bəstələdiyini deyib: “Çox çətin bir bəstədir. Elə yazıb, həm bəm, həm də zil tələb edir. Çalışıram onu elə oxuyum ki, Elza xanım deməsin, yaxşı oxumadın”.

 

Əhəd Miriyev                                                         

 

Muz.Tv.az