Tünzalə Ağayeva imicini dəyişdi

Əməkdar artist Tünzalə Ağayeva imicində dəyişiklik edib. 

    Əməkdar artist Tünzalə Ağayeva imicində dəyişiklik edib. Uzun illərdir qırmızı saç rəngi ilə gəzən müğənni onları qaraya boyayıb. Yeni fotosunu sosial şəbəkədə paylaşan T.Ağayeva bunları qeyd edib: “Bu da yeni mən...Sevgili dostlarım, yeni saçlarımla bağlı sizin fikirlərinizi öyrəndim. Hər kəsin zövqünü oxşamaq qeyri-mümkündür. Önəmlisi odur ki, özünüz haqqında olan təsəvvürünüzü içinizdən zahirinizə çıxarasınız. Özünüzü fərqli, yeni görə bilmək üçün dəyişməyin sevincini yaşayın”.

   Müğənni Samira Allahverdi varlı oğlana ərə getmək istəyən gənc qızlara məsləhət verib.“Əksər qızlar kasıba yox, varlıya ərə getməyə çalışırlar. Hələ bir ərə gedəndə şərt də kəsirlər ki, mən işləyəcəm, maşın istəyirəm. Varlı adamla ailə quran sonradan problemi görüb ağıllanır. Başına o qədər döyür ki... Başa düşürlər ki, eybi yox, elə bir otaqda yaşayım, amma sevgi olsun. Pul sevgi demək deyil”.

   Müğənni Günay İbrahimlinin qeyri-adi fotosu yayılıb. Sosial şəbəkədə paylaşılan şəkildə sənətçi maraqlı obrazdadır. İfaçının imici üzərində stilist Anar Ağakişiyev çalışıb.

   Müğənni Emil Bədəlov solo konsert verə bilməməyinin səbəbini açıqlayıb.  Sənətçi bunun üçün maddi imkanının çatmadığını deyib: “Mənim fikirləşdiyim konsert 200 min xərc tələb edir. Fərqli dekorasiya, rəqqaslar, musiqiçilər fikirləşmişəm. Bu gün heç bir konsertə o qədər xərc çəkilmir. Mən hamıdan fərqlənmək istəyirəm”.

 

Əhəd Miriyev

 

Muz-Tv.az