Əməkdar artist Almaz Ələsgərli : “Tövbə etmişəm”

Əməkdar artist Almaz Ələsgərli tövbə edib.  Müğənni artıq şəxsi həyatı haqda danışmayacağını deyib:

     Əməkdar artist Almaz Ələsgərli tövbə edib. Müğənni artıq şəxsi həyatı haqda danışmayacağını deyib:“Bundan sonra qızlarım, özüm haqda suallar verilməsin. Heç birini cavablandırmayacam. Tövbə etmişəm. İstəmirəm uşaqlarımı gündəmə gətirim. Çox lazımsız hadisələr idi. O da mənim başıma gəldi. İndi çox dəyişmişəm. İstər səsim, istər xasiyyətim başqadır. İnsan yaşa dolduqca daha da müdrikləşir. Düzdür, keçmişimdən narazı deyiləm. Mən “kaş bunu yaşamazdım” deyən insan olmamışam. Əgər keçmiş olmasaydı, bu günü yaşamazdım”.

    Əməkdar artist Cavanşir Məmmədov nəvəsindən danışıb. Müğənni geyimlərinə qızının övladının nəzarət etdiyini deyib: “Geyimlərimə ailəm nəzarət edir. Ən çox da qızımın qızı. 11 yaşı var. Bu günlərdə Türkiyəyə getmişdim, onu da özümlə aparmışdım. Məsləhətə qulaq asıram, amma sonda öz qərarımda qalıram. Məsləhətli don gen olar. Oğul nəvəm də var. Amma o, balacadır”.

    Müğənni Nadir Qafarzadə “Süzmək olmaz” adlı yeni mahnısını təqdim edib. Sənətçi bəstənin xalq artisti Niyaməddin Musayevin repertuarından olduğunu bildirib: “Mahnını oxumadan öncə Niyaməddin müəllimlə danışıb razılıq aldım. Halallığını verdi. Dedi ki, oxu. Mən də ifa etdim. Bəyənib-bəyənilmədiyini dəqiq deyə bilmərəm. Yaxşı oxuduğumu düşünürəm. Amma hər halda mahnıya sonuncu qiyməti dinləyicilər verəcək”.

    Müğənni Elçin Hüseynovun gözlərində problem yaranıb. İfaçı bu haqda verilişlərin birində qonaq olarkən deyib. Canlı yayıma qara eynəklə çıxan sənətçi aparıcının “Niyə eynəyi çıxarmırsınız” sualına belə cavab verib: “Gözlərim xəstə idi. Moskvaya getdim. Orada qar yağır, havalar soyuqdur. Problem daha da çoxaldı”.

 

Əhəd Miriyev

 

Muz-Tv.az