Murad Dadaşov: “Ad günümdən öncə belə bir xəbər almağım ən böyük hədiyyə oldu”

Prezident İlham Əliyevin sərəncamı ilə  Azərbaycan Respublikasının mədəniyyət xadimlərinə fəxri adlar verilib. 

   Prezident İlham Əliyevin sərəncamı ilə  Azərbaycan Respublikasının mədəniyyət xadimlərinə fəxri adlar verilib. Bunlardan biri isə şoumen Murad Dadaşovdur. Aparıcı əməkdar artist adı almasının sevincini bizimlə bölüşüb: “Cənab prezidentimizə dərin təşəkkürümü bildirirəm. Fəaliyyətimə dövlət belə yüksək qiymət verirsə, mənim insan kimi qarşımda məsuliyyətimi ikiqat artırır. Sağ olsunlar, mən bu etimadı doğruldacam”. Bildiyiniz kimi, gülüş ustaları Rafael İsgəndərov və Coşqun Rəhimov da əməkdar artist adına layiq görülüb. İllərdir sənətdə külüng döyən Murad Dadaşov “Bu şəhərdə”çılərlə eyni ildə fəxri ada layiq görülməsinə münasibət bildirib: “ Düşünürəm ki, Rəfael və Coşqun, Babək Niftəliyev, Əlixan Səmədov və s insanlar bu gün bu ada layiqdirlər”. Əməkdar artist bu açıqlamaları ADDIM Gənclər Təşkilatının “Kinoya ADDIMla” adlı yeni layihəsində verib. Silsilə tədbirlərin məqsədi isə tamaşaçıların hər dəfə 1 məşhurla birlikdə film izləməsinə vasitəçi olmaqdır. Layihənin ilk qonağı Murad Dadaşovdur. Park Cinemada nümayişə buraxılan film isə "Meşəyə Doğru" olub. “Kinoya ADDIMla” adlı layihənin növbəti nəzərdə tutulan qonaqlar arasında Brilliant Dadaşova, Tünzalə Ağayeva, Dilarə Kazımova və s. var.

 

Sevda Məmmədova

Bəxtiyar Nəsirov

 

Muz-Tv.az