Murat Boz yenidən Bakıda

Türkiyənin xarizmatik müğənnisi Murat Boz Heydər Əliyev Sarayındakı möhtəşəm konsertindən sonra yenidən Bakıya gəlib. 

    Türkiyənin xarizmatik müğənnisi Murat Boz Heydər Əliyev Sarayındakı möhtəşəm konsertindən sonra yenidən Bakıya gəlib. Muratın budəfəki gəlişi konsert yox, film təqdimatına görədir. Müğənni, aktrisa Büşra Pekinlə çəkildiyi “Hadi İnşallah” komediya filminin premyerasında izdihamla qarşılaşıb: “ Azərbaycanı çox sevirik. Hər gəldiyimdə çox gözəl qarşılanıram. Bu dəfə gəlişimin səbəbi “Hadi İnşallah” filmi oldu. Ümid edirəm film bəyənilər”.

     Aktrisa Büşra Pekin isə Bakıda ilk dəfə olduğunu söyləyib: “Çox sevincliyəm. Çünki İlk dəfədir ki, Azərbaycana gəlirəm. Murat bir neçə dəfə gəlib. Çox sevdim buranı” Film izləndikdən sonra mətbuat konfransı keçirilib. Jurnalistlərin suallarını cavablandıran Murat Boz yenə də öz zarafatlarından qalmayıb: “ Əslində çox istəyirdim ki, karyeramda bir dənə filmim olsun. Bizliyiniz kimi mən müğənniyəm. Filmdə də necə mahnı oxuduğumu gördünüz”.

    Filmdə Pekmezin Pukka ilə öpüşmə səhnəsi də marağa səbəb olub. Murat isə həmin görüntülərin Büşranın professionallığından irəli gəldiyini söyləyib: “ İstəyirsinizsə, öpüşmə səhnəsini burada yenidən göstərək. Filmdə mənim rahatlığım Büşranın peşəkarlığından qaynaqlanır”.

 

Sevda Məmmədova

Bəxtiyar Nəsirli

 

Muz-Tv.az