Müğənni Sevda Yahyayeva imicini dəyişib

İfaçı yeni saç rəngi və düzümü ilə diqqət çəkib. Mərasimə qısa geyimlə qatılan S.Yahyayeva 2015-ci ildəki planlarından söz açıb...

    İfaçı yeni saç rəngi və düzümü ilə diqqət çəkib. Mərasimə qısa geyimlə qatılan S.Yahyayeva 2015-ci ildəki planlarından söz açıb:

“Gələn il konsert vermək istəyirəm. Məkanla bağlı hələ tam qərara gəlməmişəm. Daha bir möhtəşəm layihəm olacaq. Mənim üçün maraqlı işdir. İnanıram ki, sevənlərimin də xoşuna gələcək. Çünki orada hər şey fərqli olacaq. Hətta özüm də fərqli görünəcəm. Tamaşaçılar bunu məndən gözləmirlər. Hamını təəccübləndirəcəm”.

    Müğənni Kərim Abbasov özü ilə bağlı etiraflar edib. İfaçı bir vaxtlar intihara cəhd etdiyini deyib:“O qədər həyatımdan razıyam ki, depressiyaya düşən deyiləm. Amma 6 il əvvəl depressiyaya elə düşdüm ki, canıma qəsd etməyə çalışdım. 12 illik dostum evə pəncərədən girərək məni xilas etdi. Ona görə indi mənə qarşı səhv hərəkət etsə də, onu bağışlayıram. Birinci düşündüm ki, bıçaqla özümə qəsd edim. Sonra gördüm ürəyim gəlməz. Qərar verdim ki, dərman atım, oyanmayım. 8 dənə yuxu dərmanı atdım, yuxuya getdim. Bir də ayıldım ki, üzümə su tökürlər. Məni şər-böhtan depressiyaya saldı. Bayıra çıxanda elə bilirdim mənə söz atırlar. Dərmandan sonra 6 ay əsəb dispanserində yatdım. Başqa çarəm qalmamışdı. Evdəkilərin də xəbəri yox idi. Oradan çıxandan sonra Türkiyəyə getdim, 1 il orada yaşadım ki, hər şeyi unudum”.

    Müğənni Günay İbrahimlinin imza günü keçirilib. Alış-veriş mərkəzlərindən birində baş tutan tədbirdə ifaçı sevənləri ilə şəkillər çəkdirib, onlara imzalanmış fotolar paylayıb.

     Müğənni Rəqsanə İsmayılova ifaçı Əli Mirəliyevlə olan məhkəməsində qalib gəlib. İfaçı  Ə.Mirəliyevi anasına görə məhkəməyə verdiyini deyib: “Haqqımda çox danışdı. Məhkəməyə verdim və uddum. Sonra efirə çıxıb üzrxahlıq etdi. Yanımda oturub, yenə deyir Rəqsanə oxuya bilmir. Sənə nə var? Mənə xalq qiymət verib. Mən onun üzrxahlığını qəbul etmədim. Əli Mirəliyevi anama görə məhkəməyə vermişəm. Aramızda söz-söhbət olanda Azərbaycanda deyildim. Anamın 67 yaşı var, şəkər xəstəsidir. Bu xəstəlikdən əziyyət çəkənlər əsəbi olurlar. Əli Mirəliyev efirdə danışanda rəfiqələrim anama zəng vurublar ki, Rəqsanə niyə onun cavabını vermir, qorxur? Anam ağlaya-ağlaya mənə zəng etdi ki, kişi kimi qadınsan niyə onun cavabını vermirsən? Valideynlərim niyə mənə görə utanmalıdırlar ki? Mən xoşbəxt insanam, sənətə gəldiyim gündən gündəmdəyəm. Aylarla efirə çıxmasam, burada olmasam da haqqımda danışılır”.

 

Əhəd Miriyev

 

Muz-Tv.az