Riz Uizerspun: “Bir neçə il cansız kimi yaşadım”

Hollivud aktrisası Riz Uizerspun məşhur qərb jurnalisti  Çarli Rosa maraqlı müsahibə verib. 

    Hollivud aktrisası Riz Uizerspun məşhur qərb jurnalisti  Çarli Rosa maraqlı müsahibə verib. O, aktyor Rayan Filipplə boşandıqdan sonra yaşadığı çətinliklərdən bəhs edib: “ Bu çox ağır dövr idi. O vaxtlar Rayanın avstraliyalı aktrisa Ebbi Kornişlə sevgi romanı haqqında söz-söhbətlər gəzirdi. Bir neçə il özümü sadəcə daha yaxşı hiss edəcəyim günü gözləyərək yaşadım. Siz bilirsiz beynində “omlet” olan insanın yaradıcılıq əhval-ruhiyyəsini qoruması nə dərəcədə çətindir? Mən bunu bacarmadım. Bir neçə il cansız kimi yaşadım və işlədim. Buna son qoymağın vaxtı gəldiyini 2012-ci ildə Hollivudun gündəmdən çıxan ulduzları siyahısında öz adımı görəndə dərk etdim”. Qeyd edək ki, baş verənlərdən sonra Riz tez bir zamanda yenidən uğur qazanmağı bacarıb. O, 2014-cü ildə tənqidçilər tərəfindən çox yüksək qiymətləndirilən "Vəhşi" filminə çəkilib. Həmçinin bu il aktrisanın baş rolunu ifa etdiyi "Anadangəlmə qüsur" filminin  təqdimat mərasimi baş tutub. 

 

Faina Əsədullayeva

 

Muz-Tv.az