Alim Qasımovun yeni dueti

Axşam.az-ın məlumatına görə, muğam ifaçısının sənətçi Ramal Rəsulla səsləndirdiyi duet “Dünya” adlanır. 

    Xalq artisti Alim Qasımov yeni duetini təqdim edib. Axşam.az-ın məlumatına görə, muğam ifaçısının sənətçi Ramal Rəsulla səsləndirdiyi duet “Dünya” adlanır. Bəstənin musiqisi Tural Bakuviyə, sözləri Elxan Cəfərliyə aiddir. Qeyd edək ki, mahnı “Səadət” filminin saundtrekidir.
    Əməkdar artist Murad Dadaşov üçün hədiyyənin böyüyü, kiçiyi olur.  Şoumen antik hədiyyələri xoşlamadığını deyib: “Antik əşyaların qiyməti dəyərlidir. Amma mən onu sevmirəm. Belə əşyaların yeri muzeylərdir. Elə düşünürəm ki, antik əşya ona sahib olan ilk insanın aurasını öz üzərində saxlayır. Hədiyyənin böyüyü də, kiçiyi də olur. Xanımlar üçün kiçik ölçülü hədiyyələr önəmlidir. Çünki bahalı zinət əşyaları kiçik olur. Hədiyyə verdiyin insanın zövqünü bilməlisən. Xanımlar var ki, gülü sevmirlər. Məsələn, bizim evdə çiçək xoşlamırlar. İndi bağışlamaq üçün dünyada məşhur şirkətlər bahalı hədiyyələr hazırlayırlar. Mənim bir dostumun yoldaşı onun üçün Ayda yer almışdı. İndi hədiyyə kimi ulduz satın alan da var. Bu isə cəfəngiyatdır. Kimdir ulduza gedib ora nəzarətçi qoyan, qıfıl taxan?”.
   Müğənni Röya Ayxan yeni mahnısını təqdim edib. “Sultanım” adlanan mahnının sözləri Nadoya, musiqisi Pərviz Mahmudova məxsusdur. “Sultanım” Röyanın yeni işıq üzü görən “Sənə ehtiyacım var” adlı albomunda yer alıb.
   Türkiyədə yaşayan müğənni Azəri Günel Zeynalova sosial şəbəkədə yeni fotosunu paylaşıb. Cazibədar imicdə görünən ifaçı şəklin 2015-ci ildə işıq üzü görəcək yeni albomunda yer alacağını bildirib: “Kapitan qız... 2015-ci ildəki yeni albomumun fotosu: “Pardon boş ver”.

Əhəd Miriyev

 

Muz-Tv.az