Xalq artistini qınaq obyektinə çevirdilər

Xalq artisti Gülyanaq Məmmədovanı qınaq obyektinə çeviriblər. 

     Xalq artisti Gülyanaq Məmmədovanı qınaq obyektinə çeviriblər. Axşam.az-ın məlumatına görə, müğənninin efirlərin birində dördüncü övlad istədiyini bildirməsini ona irad tutublar. “Dördüncü uşağı istədiyimi deyəndən sonra hamı məni qınamağa başladı. Aləmə səs düşüb ki, Gülyanağın dördüncü uşağı olacaq. Hələ elə bir şey yoxdur. Zəng edib deyirlər ki, başın xarabdır, dördüncü nədir? Amma niyə istəməyim ki? Üç övladım var, Allah qismət etsə, dördüncünü də istəyirəm. Evdə bacı-qardaş nə qədər çox olarsa, bir o qədər yaxşıdır”.

    Müğənni Röya Ayxan hamıdan üzr istəyib. Bayram münasibətilə sevənlərini təbrik edən sənətçi dalaşdığı insanların da könlünü alıb: “2014-cü ildə xətrinə dəydiyim, üzdüyüm, söydüyüm, döydüyüm, dalaşdığım hər kəsdən üzr istəyirəm. Bunu yazıram ki, 2015-ci ildə bunları yenidən etməyə üzüm olsun. Bayramınız mübarək”.

    Müğənni Zamiq Hüseynov son günlər artıq çəki itirməsi ilə diqqət çəkir. İfaçı arıqlamağının səbəbini açıqlayıb: “İdman edirəm. Yeməyimi də azaltmışam. Bu iki amil məni arıqladıb. Arıq olanda özümü rahat hiss edirəm. Səhnə adamıyam, hər zaman formada qalmalıyam”.

     Müğənni Elariz Məmmədoğlu evdə bütün hüquqları oğluna verib. “Ailədə oğul varsa, qardaşın bacılara müdaxiləsi zəruridir. Ata müəyyən vaxtdan sonra həyatdan köçür. Ona görə də, valideyn əvəzi qardaş olmalıdır. Ata başa salmalıdır ki, məndən sonra bu evdə kişi oğuldur. Bir gün qızlarım dedi ki, məktəbdə şənlik var, gedək. İcazə verdim. Qardaşı gəldi qoymadı. Qızlarım şikayət etdi ki, Ataş qoymur. Dedim, qoymursa, getməyin. Qızlarım təəccübləndi ki, nə danışırsan, sən olan yerdə o kimdir? Başa saldım ki, balaca da olsa, sizin başınızın ağasıdır”.

     Aparıcı Xoşqədəm Hidayətqızı və türkiyəli ifaçı Doğuşun toy mərasimi baş tutub. Səbəbkarların yaxın dostlarının iştirak etdiyi toy Bakıdakı otellərdən birində baş tutub. Gəlin və bəy salona daxil olan zaman medianın suallarını da cavablandırıblar. X.Hidayətqızı qeyd edib ki, bu gün onun həyatının ən xoş günüdür: "Hamı elə bilirdi ki, bu serialdır. Lakin sübut etdim ki, bu nə serialdır, nə də kinodur. İştirak edənlərin hamısı yaxınlarımdır. Bu günü parti kimi də qələmə verə bilərəm". Toyun təşkilatçısı şoumen Murad Dadaşov olub. Xoşqədəm Hidayətqızı bildirib ki, Murad təkcə onun yox, Doğuşun da tanışıdır. Qonaqlar qarşısında çıxış edərkən keçmiş günlərini xatırlayan aparıcı göz yaşlarını saxlaya bilməyib:"Ulu öndər Heydər Əliyevin sayəsində təhsil almışam. Çox əziyyət çəkmişəm. Tək başına övlad böyütmüşəm. Bu gün deyirlər ki, oğlum toyda iştirak etməyəcək. Bu xəbərlər məni üzür. Amma o xaricdə təhsil alır. Hazırda yoldadır, özünü çatdıracaq". Maraqlı anların yaşandığı gecədə cütlük duet də səsləndirib. Onlar birlikdə Doğuşun yeni albomunda yer alan və həyat yoldaşına həsr etdiyi “Mələklər sayğı duyar” adlı mahnını səsləndirib. Qeyd edək ki, cütlüyün rəsmi nikahı oktyabrda Türkiyədə olub.

 

Əhəd Miriyev

 

Muz-Tv.az