Daniel Redklif 105 milyon dollar gəlir əldə edib

13 il əvvəl Harri Poter kimi məşhurlaşan ingilis aktyoru Daniel Redklifin bu günədək yığdığı qazancı açıqlanıb. 

   13 il əvvəl Harri Poter kimi məşhurlaşan ingilis aktyoru Daniel Redklifin bu günədək yığdığı qazancı açıqlanıb.  Axşam.az xəbər verir ki, 25 yaşlı aktyor bu günədək çəkildiyi film və seriallardan 105 milyon dollar gəlir əldə edib. Danielin sərmayələrini və qazancını idarə edən “Gilmore Jacobs” şirkətinin açıqladığı rəqəmin 10 milyon funtu ( təxminən 12 milyon min manat) aktyorun son bir illik gəliridir.  Qeyd edək ki, D.Redklif aktyorluqla yanaşı, diceylik də edir. Danielin təkcə 8 hissədən ibarət “Harri Poter” filmlərindən 8 milyon funt (təxminən 9 milyon manat) gəlir əldə etdiyi deyilir.

   Müğənni Bülənt Ərsoy ötən gün Yeni il alış-verişi üçün Nişantaşına yollanıb. Getdiyi mağazaların qarşısında avtomobilindən enmədən gözləyən sənətçi istədiklərini köməkçisinə sifariş edərək aldırıb. Çantaları maşınına gətirdən B.Ərsoy bir qutu şokolad da alıb. Jurnalistlər müğənnidən şokoladın kimə gedəcəyini soruşduqda isə o, “Qarışmayın. Siz deyin görüm, ürəyiniz istəyir?”, - deyə cavab verib. B.Ərsoy daha sonra qutunu açaraq müxbirlərə şokolad təklif edib.

   Müğənni Beyonsun bacısı Solanj Noulz İnstaqram hesabında ailəsinin 20 il əvvəlki fotolarını yayımlayıb.Fotolarda ailənin bütün üzvləri- Beyons, Solanj, ataları Metyu, anaları Tina görünür. Fotolar Milad bayramı ərəfəsində çəkilib.

   İstanbulda məkanların birində eyni gündə səhnəyə çıxan iki məşhur ifaçı – Tuba Özay və Ebru Polad arasında dava düşüb.  Əvvəlcə söz davasına çıxan sənətçilər daha sonra yumruqlaşmağa başlayıblar. Tuba Özayın şousundan sonra səhnəyə çıxan Ebru Polad tamaşaçıların azaldığını görüncə əsəbləşib.  Tubanın kulisinə gedən Ebru “Sənin üzündən izləyici qalmayıb. O “möhtəşəm” səsinlə məkanı boşaltmısan” deyib. Bu sözlərdən hirslənən T.Özay həmkarı ilə dalaşmağa başlayıb. Bir-birlərinə yumruq atan müğənniləri məkanın mühafizəçiləri güclə ayırıblar.

 

Əhəd Miriyev

 

Muz-Tv.az