Brilliant Dadaşova :” Qol qaldırıb sındıra-sındıra oynayacam”

Xalq artisti Brilliant Dadaşova oğlu Cahadı özbək qızla gizli evləndirməsi ilə bağlı yayılan şayiələrə son qoyub...

    Xalq artisti Brilliant Dadaşova oğlu Cahadı özbək qızla gizli evləndirməsi ilə bağlı yayılan şayiələrə son qoyub: “Özümdən danışdılar bəs etmədi, indi oğluma keçiblər. Aman-zaman bir oğlum var. Elə ola bilər ki, mən onu toysuz, sakit evləndirim? Mən yeganə uşağıma xınayaxdı, paltarbiçdi, böyük toy edəcəm. Bacılarım ərə gedəndə onların beş toyu olub: kiçik nişan, böyük nişan, xınayaxdı, paltarbiçdi, axırda da toy. Mən də oğluma bu cür edəcəm. O toyda qol qaldırıb sındıra-sındıra oynayacam. Ola bilməz ki, mənim oğlumun toyu səs-küysüz keçsin. Yazıq uşağımı evləndirdilər. Kim kimin övladına nə arzulayırsa, onun uşağına qismət olsun”.

   Müğənni Röya Ayxan sosial şəbəkədə libasını müzakirə edib. Axşam.az-ın məlumatına görə, paltarının fotosunu paylaşan sənətçi bunları yazıb: “Paltarın adı, “quşlar mənim dostumdur”dur. Bu paltara pijama deyirlər. Açıq geyinirsən mentalitet yada düşür, bağlı geyinəndə də pijama. Yaramadıq da bu camaata, qadan alım”.

   Əməkdar artist Lalə Məmmədova “Yeni il” adlı mahnısını təqdim edib. Müğənni sosial şəbəkədə paylaşdığı bəstənin audio yazısına “Sizə söz verdiyim kimi “Yeni il” mahnım. Eksklüziv olaraq məni izləyən dostlarım üçün” sözlərini yazıb.

    Müğənni Könül Kərimova Yeni ili əsgərlərlə qeyd edəcək. “Həmişə evdə keçirməyə üstünlük verirəm. Amma düşünürdüm, bu il xaricə gedib, orada qeyd edəcəm. Alınmadı. Oğlum əsgərdir. Ondan uzaqda olmaq istəmədim. Bayramı əsgərlərlə keçirəcəm”.

 

Əhəd Miriyev

 

Muz-Tv.az