Elza Seyidcahan: “Ən böyük sponsorum anamdır”

Əməkdar artist Elza Seyidcahan maraqlı açıqlama verib. 

     Əməkdar artist Elza Seyidcahan maraqlı açıqlama verib. Axşam.az-ın məlumatına görə, sosial şəbəkədə anası ilə fotosunu paylaşan müğənni ən böyük sponsorunun o olduğunu deyib: “Çox vaxt mənə suallar verirsiniz ki, sponsorunuz kimdir? Mənim sponsorum göydə Allahım, yerdə isə anam olub. Allaha həmd, anama görə şükr olsun. 

    Əməkdar artist Lalə Məmmədovanın kiçik qızı Çinarənin 1 yaşı tamam olub. Müğənni həmin günü təmtəraqlı şəkildə qeyd edib. Gecəyə sənət aləminin tanınmış simaları da qatılıb. L.Məmmədova qızı üçün mahnı da yazdırıb. Bəstənin sözləri şair Vahid Əzizə, musiqisi isə Elçin İmanova məxsusdur. Qeyd edək ki, müğənninin Nərgiz adlı bir qızı da var.

     Müğənni Ayan Babakişiyeva yeni duet hazırlayır. Sənətçinin duet ortağı yenə də həmkarı Nadir Qafarzadədir. Oxuyacağı mahnı haqqında geniş danışmaq istəməyən sənətçi bəstənin maraqlı mövzuda olacağını deyib. Qeyd edək ki, A.Babakişiyeva və N.Qafarzadə bundan əvvəl “Sənin üçün” mahnısını da duet şəklində oxumuşdular.

     Rəqqasə Oksana Rəsulova və müğənni İlhamə Qasımova Hindistana yollanıblar.  Rəfiqələr Yeni ili orada qarşılayıblar.  O.Rəsulova səfərinin məqsədinin həm istirahət, həm də iş olduğunu bildirib: “İlhamə ilə istirahət edəcəyik. Ən əsası isə, Hindistanda çəkiləcəyim filmlə bağlı danışıqlar aparacam”.

 

Əhəd Miriyev

 

Muz-Tv.az