Emin qadına klip çəkdirdi

İfaçı-bəstəkar Emin “Woman” (“Qadın”) mahnısını ekranlaşdırıb. 

    İfaçı-bəstəkar Emin “Woman” (“Qadın”) mahnısını ekranlaşdırıb. Axşam.az-ın məlumatına görə, mahnının klipi Mayamidə lentə alınıb. Ekran işində Eminlə birlikdə musiqiçi Çarli Uilyam da yer alıb. Onlar mahnını gitarada birlikdə ifa ediblər.  İfaçının yeni “Woman” adlı sinqlı fevraldan etibarən Avropa radiolarında səslənməyə başlayacaq.

   Xalq artisti Aygün Kazımovadan təzə xəbər var. Müğənni “Səni belə sevmədilər” adlı yeni mahnı hazırlayıb. Bəstənin sözləri Leyli İsrafilovaya, musiqisi isə Hakan Erola məxsusdur.  A.Kazımova mahnısı ilə yanaşı, yeni fotolarıyla da diqqət çəkib. Fərqli saç düzümü ilə çəkilən şəkilləri xalq artisti İnstaqram səhifəsində paylaşıb.

   Əməkdar artist Tünzalə Ağayeva “Get” adlı yeni mahnı ifa edəcək. Sənətçi bəstəni Türkiyənin tanınmış gitara ifaçısı Özgür Abbakla birgə hazırlayıb:"Mahnının sözləri çox hörmətli şair, yazıçı-publisist Rəşad Məcidə məxsusdur. Əslində bəstə 5 il bundan öncə yazılıb. Bu qədər gecikdiyinə görə Rəşad müəllimin gözlərinə baxa bilmirdim. Bəstənin demo versiyasını eşitmişdi. Neçə vaxt idi gözləyirdi. İnanılmaz dərəcədə gözəl bir mahnı ərsəyə gəlib. Mənim heç vaxt belə aranjimanda ifam olmayıb. Xeyli müddətdir ayrılıqdan oxumurdum. Son zamanlar bütün mahnılarım şən əhval-ruhiyyəli idi. Nəğmənin qəhrəmanı sevən bir insandır, amma sevdiyi onu tərk edir, o da “sənə məna yoxdursa, get” deyir”.

   Müğənni Röya Ayxan yenidən televiziya aparıcısı olacaq.Sənətçi bu barədə İnstaqram hesabında məlumat verib: "Xəbəriniz olsun, bir aya çox böyük və möhtəşəm bir tv proqram ilə evinizin qonağı olacağam. 8 aydır üzərində çalışılan verilişdə iki saat sizinlə oxuyub, deyib-güləcəyik".

 

Əhəd Miriyev

 

Muz-Tv.az