Rəqsanə: “Gördüyüm işləri də heç bir kişinin pulu ilə etmirəm”

Rəqsanə İsmayılova jurnalistləri başına toplayıb qonşu kanalların birində aparıcılığını edəcəyi verilişdən danışıb. 

     Rəqsanə İsmayılova jurnalistləri başına toplayıb qonşu kanalların birində aparıcılığını edəcəyi verilişdən danışıb. “Göz önündə” adlanan proqramın çəkilişləri daha çox cəzaçəkmə müəssisələrində reallaşacaq. Xeyriyyə məqsədi ilə ağır yükün altına girən İsmayılova, ona qarşı gələcək atmacalara da cavabını qabaqcadan ünvanlayıb: “Verilişdə daha çox üstünlüyü qadınlara verəcəm. Məsələn, şiddətə məruz qalan qadınlar, ailəsindən ayrılanlar, əsgərlərlə görüş olacaq, hətta 4 əsgərimizi 5 günlük məzuniyyətə gətirmişəm.  Bəzi sənətkarlarımız var ki, çıxırlar efirə, sənin etdiyin yardıma bir qulp qoyurlar. Özün bunu bacarmırsan, bəs bizim gördüklərimizi niyə heç edirsən? Yaxşısı budur, sən hamını başına yığ, hərədən 100 manat al, yardıma sərf et. Gördüyüm işləri də heç bir kişinin pulu ilə etmirəm. Heç bir kişinin puluna da ehtiyacım yoxdur. Düzdür, həyatımda olan insan var və çox xoşbəxtəm ”.

    Vaxtı ilə qalmaqallarla gündəmə damğasını vuran Rəqsanə, indi sadəcə sənəti ilə göz önündə olmağa çalışır. Belə ki, sənətçinin Türkiyədə konserti baş tutacaq: “İstanbulda konsertim baş tutacaq. Orada verəcəyim konsert üçün bir çox türk müğənniləri ilə danışmışıq. Konsert Azərbaycan, türk qadınlarının birliyi və zorakılığa qarşı olacaq. Daha sonra həmin proqramla Heydər Əliyev Sarayında konsert vermək fikrim var”. Daha ətraflı süjetdə.

 

Sevda Məmmədova

Ramal Gülməmmədov

 

Muz-Tv.az