Röya Zamiqlə qartopu oynadı

Müğənni Röya Ayxan yeni işləri ilə bağlı Türkiyəyə yollanıb.  Axşam.az-ın məlumatına görə, hazırda İstanbulda olan sənətçi dostu,..

    Müğənni Röya Ayxan yeni işləri ilə bağlı Türkiyəyə yollanıb. Axşam.az-ın məlumatına görə, hazırda İstanbulda olan sənətçi dostu, müğənni Zamiq Hüseynovla qartopu oynayıb. Röya həmin zaman çəkdirdiyi videonu İnstaqram səhifəsində paylaşıb.  Müğənni qardaş ölkədə yeni işıq üzü görəcək albomunun hazırlıqlarına başladığını bildirib. O, diskdə yer alacaq beş mahnının ikisini hazırlayıb.

   Müğənni Miri Yusifin maraqlı fotosu yayılıb. İfaçı həyat yoldaşı və övladları ilə çəkdirdiyi şəkli İnstaqram səhifəsində paylaşıb. O, övladları üçün Şaxta baba libası geyinib

   Müğənni Samira Allahverdi elektron ticarətin qurbanı olub. “Bu yaxınlarda internet üzərindən bir don sifariş etmişdim. Şəkildə qara rəngdə idi və parçası tamamilə fərqlənirdi. Mənə gətirdikləri libas isə boz və keyfiyyətsiz materialdan idi. Donu həmin şirkətə qaytardım ki, mən bu paltarı sifariş verməmişəm. Üzümə durdular ki, yox, həmin dondur. Axırda mübahisə etməmək üçün 80 manatı verdim. Məcbur oldum ki, o libası götürüm”. 

    Müğənni Vasif Məhərrəmli övladlarını necə tərbiyə etməsindən danışıb:“Uşağı dayəyə vermək olmaz. İndi dayələr çox kobuddur. Qızım Əfşan böyüyüb, bacılarm Leyla və Şəhladan başqa, onu heç kimin yanında qoymuram. Başqaları harasa gedəndə uşağı əmi, dayı yanında qoyurlar. Mən heç qızımı nənəsinə də tapşırmıram. Hara gedirəmsə, yanımda olmalıdır. Uşağı böyüdürsən, çox istəyirsən, amma qədərində lazımdır. Tərbiyə daha vacibdir. Mənim qızım telefonla, iPad-la ən çox 1 saat oynaya bilər. Həmin vaxt bitəndən sonra əlinə almağı qadağandır. Gedib dərslərini hazırlamalıdır”.

 

Əhəd Miriyev

 

Muz-Tv.az