Cavanşir Məmmədov :”Maşınımla səs-küy yaradacam”

Əməkdar artist Cavanşir Məmmədov yeni avtomobil alır. Axşam.az-ın məlumatına görə, “Rolls Royce” markalı avtomobili ilə səs-küy yaradan...

      Əməkdar artist Cavanşir Məmmədov yeni avtomobil alır. Axşam.az-ın məlumatına görə, “Rolls Royce” markalı avtomobili ilə səs-küy yaradan müğənni iddialı danışıb. "Hər şey daxil” verilişinin qonağı olan ifaçı yeni maşınının sensasiya yaradacağını deyib: “Sensasiya yaradacaq maşın sifariş etmişəm. Martın ortalarında, sözün həqiqi mənasında, səs-küy yaradacam. İndidən deyirəm, elə bir avtomobil sifariş vermişəm ki... Bir nəfərlikdir. Çox gözəl maşındır. Onu ancaq özüm üçün alıram. İkinəfərlik, dördnəfərlik maşınlarım var. Mənə birnəfərlik lazım idi”. “Neçə avtomobiliniz var? Təyyarə almaq istəmirsiniz” sualına C.Məmmədov belə cavab verib: “Maşınlarımın sayını deməyə çəkinirəm. 40 ildir sənətə xidmət edirəm, niyə görə avtomobillərim olmasın? Nə üçün mənim də təyyarəm olmamalıdır? İbrahim Tatlısəsin ola bilər, bizim sənətçilərin yox? Başqa xalqlardan fərqlənməməliyik. İnsan bir ömür yaşayır, sənətin buna icazə verirsə, hər şey ala bilərsən. Yalandan deyirlər ki, Cavanşirin obyektləri var. Mənim heç bir biznesim yoxdur. Tək gəlirim səsimdir”.

   Stilist Anar Ağakişiyev əməkdar artist Elza Seyidcahana büllur əlcək hədiyyə edib. Bu haqda müğənninin özü məlumat verib:“Əlcək büllur qaşlarla düzəldilib. Çox dəyərli və gözlənilməz hədiyyə oldu. Anarın bağışladığı bu əlcəklər ən gözəl və sevdiyim aksesuarlarımdan olacaq”.

    Müğənni Röya Ayxanın motosikletlə çəkilən fotoları yayılıb. Sənətçi motosiklet almaq istədiyini deyib:“Mən də almaq istəyirəm. Amma xəstə adamam, bir də gördün, gedib girdim bir kamaza. Ancaq pis olmaz, çünki o halda kamazların qiyməti qalxacaq. Elə sifətlə oturmuşam ki, elə bil, qırmızı xalçadan keçirəm. Bu yerdə atalar yaxşı deyib: Allah bilir dəvəyə niyə qanad vermir”.

    Müğənni Gülay Zeynallısürücülük məharətindən danışıb.  Avtomobil həvəskarı olan G.Zeynallı hər zaman bahalı maşınlara üstünlük verdiyini deyib: “İlk dəfə 18 yaşımda avtomobil idarə etmişəm. Çox normal sürürəm.Maşınıma heç cızıq da düşməyib. Bircə dəfə qəza keçirmişəm. 20 yaşım var idi. Amma o da ağır deyildi. Maşına həddindən artıq həvəsim var. Ona görə də, ürəyim istəyən markalar mənə qismət olub. Həmişə çalışmışam prestijli maşınlar alım. Bu təkcə avtomobildə yox, mahnı seçimində, geyimdə də belədir. Çalışıram hər şeyin ən yaxşısı məndə olsun”.

 

Əhəd Miriyev

 

Muz-Tv.az