Faiq Ağayev brend geyinmir

Xalq artisti Faiq Ağayev brendlərə üstünlük vermir. Axşam.az-ın məlumatına görə, müğənni açıqlamasında libaslarını tikdirdiyini deyib:

    Xalq artisti Faiq Ağayev brendlərə üstünlük vermir. Axşam.az-ın məlumatına görə, müğənni açıqlamasında libaslarını tikdirdiyini deyib:“Baxırsan kimsə başdan-ayağa brend geyinir, ortada gözəllik yoxdur. İnsan bir o qədər məşhur olmayan markalardan da geyinə bilər. Mən ölçümə uyğun, öz zövqümlə libaslarımı tikdirirəm: şalvarım, ayaqqabım, pencəyim tikilir. 1988-ci ildə səhnəyə gəldiyim gündən tikdirdiyim paltarların hamısı evdə qalır. Evimin 50 faizdən çox hissəsini geyimlərim tutur. Heç birini atmıram. Efirlərə həftədə 4 dəfə çıxıram, hər dəfə yeni paltar geyinirəm. Eyni kostyumu geyinəndə baxıb ağız əyirlər. Deyirlər kasıblayıb, yəqin”.

   Müğənni Zamiq Hüseynov ailə qurmamağının səbəblərini açıqlayıb: “Hərdən deyirəm gözüm qorxub, ikinci evliliyimdə ilk dəfəki səhvi təkrarlamaq istəmirəm. Seçimimdə səhv etməkdən çəkinirəm. Həyatımda baş verən hadisələrdən narahat deyiləm. Hər şey yaxşılığa doğru olur. Nələrinsə həyatımda yenidən təkrarlanmasından çəkinirəm. Dərk edirəm ki, evlənmək lazımdır. Amma həyatımda evlənəcəyim qadın yoxdur. Hazırda daha geniş, aydın düşünürəm. İndi çox xoşbəxtəm, ətrafımda gözəl dostlarım, ailəm var”.

   Müğənni Samira Allahverdi son vaxtlar duet oxumamasının səbəblərini açıqlayıb. “Deyirlər, guya tənbələm, ona görə  başqalarının duet təkliflərini qəbul etmirəm. Heç belə deyil. Oxuduğum hər mahnıya cavabdehəm. Hər hansı bir müğənni ilə oxuyanda o bəstə sev-ilməsə, ürəyimcə olmasa, məyus oluram. Ona görə də duet oxuyacağım ifaçıya, mahnıya diqqətlə yanaşıram. Seçim edəndə mütləq savadlı müğənnilərə müraciət edirəm. Zaman dəyişib, insanlar başqa cür olub. İstədiyimi görmürəm. Son günlər tədbirlərə gedəndə 1 saat oturub qaçıram”.

   Müğənni İzzət Bağırov oğlanlarına qadağa qoyub. Sənətçi açıqlamasında onların müğənni olmasına icazə vermədiyini deyib:“Övladlarımla gündəmə gəlmək istəmirəm. Mənim öz sənətimə nə olub ki, uşaqlarımla gündəmdə qalım? Bir-iki dəfə verilişlər çəkmək istəyib. Oğlan olduqları üçün icazə vermişəm. Amma daha qoymuram. Mən oğlanlarımla mübarizə aparıram ki, gələcəkdə müğənni olmasınlar. Olmaz... Bu sənətdə o qədər əziyyət çəkmişəm ki... Bütün gəncliyim gedib. İstəmirəm uşaqlarım da bunu yaşasınlar. İdmançı, həkim, hakim olsunlar, amma müğənni, əsla!”. Qeyd edək ki, İ.Bağırovun üç oğlu var.

 

Əhəd Miriyev

 

Muz-Tv.az