Günay İbrahimli: “Qara siyahı yenilənir”

Bu dəfə Günay İbrahimli jurnalistləri ətrafına toplayıb həm köhnə yeni ili keçirdi...

     Bu dəfə Günay İbrahimli jurnalistləri ətrafına toplayıb həm köhnə yeni ili keçirdi, həm də  işbirliyinə başladığı, müğənni Eltonun həyat yoldaşı kimi tanıdığımız Toma Hüseynəliyevanı prodüseri kimi təqdim edib: “İşlərim o qədər çox olur ki, artıq beş gündür rahatlanmışam. Əvvəl çox çətinlik çəkirdim, indi isə bir çox şeylərdən xəbərim olmadan Toma xanım həll edir. Mən Eltonla Moskvada toyda idim, Elton mənə dedi ki, Toma artıq işləməyə başlayır. Bu işdə peşəkardır, bir çox sənətçilərlə işləyib. Mən də düzü, bezmişdim klip, mahnı təqdim etməkdən. Artıq yeniliklər, layihələr etmək istəyirəm” Prodüser Toma xanım isə müsahibəsində bunları söyləyib: “Günay işini sevən bir insandır. Onunla zövqlərimiz də üst-üstə düşdü. Artıq Günay üçün Zeynəb Xanlarovanın repertuarından bir mahnı seçmişəm. Günayla işbirliyinə başlamazdan öncə həmin mahnını istəyirdim Elton oxusun. Amma Günaya nəsib oldu”. Xanımların işbirliyinin bəhrəsi albom və konsert olacaq. İlk musiqi toplusunu təqdim etməyə hazırlaşan ifaçı növbəti dəfə sevənlərinin qarşısına çıxaraq şou nümayiş etdirəcək: “ Bu il Heydər Əliyev Sarayında konsertimi gözləyin. Vaxtı təyin etmişəm, amma deməyəcəm nə vaxtdır. Alboma gəlincə isə, ilk musiqi toplum olacaq. Buraya yeni mahnılarım da daxil olacaq. Bir də toplu şəkildə duet gözlənilir. Ola bilər ki, həmin birgə ifada əcnəbi müğənni də oldu”

2015-ci ildə barışığa imza atan Günay İbrahimlinin qara siyahısına daha biri daxil olub. Daha ətraflı süjetdə.

 

Sevda Məmmədova

Çingiz Abdullayev

 

Muz-Tv.az