Elza Seyidcahan Elton Hüseynəliyevə mahnı bəstələdi
Əməkdar artist Elza Seyidcahan müğənni Elton Hüseynəliyev üçün mahnı bəstələyib.
Əməkdar artist Elza Seyidcahan müğənni Elton Hüseynəliyev üçün mahnı bəstələyib.Sənətçi təəssüratlarını bölüşüb:“Bəstə “Ayrıla bilməzlər daha” adlanır. İlk dəfədir ki, bir mahnının sözləri də, musiqisi də mənə məxsusdur. Nəğmə Eltonun ifasında gözəl alındı. Bu bəstəyə klip də çəkiləcək. Eltondan sonra Nadir Qafarzadə, Namiq Qaraçuxurlu ilə işbirliyi gözlənilir”.
Müğənni Rəqsanə İsmayılova həmkarı Günay İbrahimlinin keçmiş prodüseri Sevinc Hüseynova ilə işbirliyinə başlayıb. Axşam.az-ın məlumatına görə, sənətçi bu haqda İnstaqram səhifəsində yazıb: “Sevinc bizim komandaya gəldi, xeyirli-uğurlu olsun. Amma, əzizlərim, sabah başqa-başqa sözlər yazılmasın. Günayı çox istəyirəm, onun hər uğuruna sevinirəm. Onunla heç bir problemim yoxdur. Öz əziyyəti ilə tanınmaq çox çətindir. Bir insan digərinin yanında daim ola bilmir. Çünki həyat belə müvəqqətidir. Əsas Allah ruzi-bərəkətimizi bol etsin”.
Müğənni Xəyyam Nisanov mütəmadi şəkildə idmanla məşğul olur.Sənətçi bu haqda açıqlamasında bildirib:“Nə işim olursa-olsun, idmanı təxirə salmıram. Səhər saat 9-da idmanda olmalıyam. Bircə, çəkilişim olanda vaxtını dəyişirəm. Trenajorla və döyüş növləri ilə məşğul oluram. Bu, müğənni üçün önəmlidir. Formada qalmalıyıq. Biz insanlara nümunəyik. Tək görünüşdə yox, qanunlara riayət etməkdə də nümunə olmalıyıq. Adicə restoranda yemək yeyərkən bizə qarşı diqqət fərqli olur. Əgər nümunəvi insanıqsa, hər şeyə diqqətlə yanaşmalıyıq. Hətta avtomobil idarə edərkən kəməri bağlamağa belə fikir verməliyik”.
Müğənni Elnarə Xəlilova yaradıcılığına fasilə verməsinin səbəbini açıqlayıb. İfaçı övladlarına vaxt ayıra bilməməkdən şikayətlənib: “Özüm özümü təkrarlamağı, yerimdə addımlamağı sevmirəm. Fərqli janrlara müraciət edən müğənniyəm. Səhnədən uzaqlaşmağımda övladlarımı günahlandırırlar. Amma mən ruh insanıyam. Hər şey də bununla bağlıdır. Yazıq uşaqlarım heç məni görmürlər”.
Əhəd Miriyev
Muz-Tv.az