Baloğlan Əşrəfov: “Həyat yoldaşım 10 min manat maaşa razı olmaz”

Əməkdar artist Baloğlan Əşrəfov həyat yoldaşının çalışmasını istəmir. 

    Əməkdar artist Baloğlan Əşrəfov həyat yoldaşının çalışmasını istəmir. Müğənni bu haqda açıqlamasında bildirib:

“Həyat yoldaşım çalışmır, evdə o qədər iş var ki, vaxt yoxdur. 82 yaşlı anama baxır. Belə bir qadının qulluğunda durmaq asan deyil, bu kifayət edir. Anam cavan yaşında dörd dəfə əməliyyat olunub, onun qulluğa ehtiyacı var. Bu dəqiqə həyat yoldaşıma ayda on min manat maaşı olan iş də təklif etsələr, razılaşmaz. Onun işləməsinə ehtiyac yoxdur. Mən qadının çalışmasına pis baxmıram. Qızlarım işləyir, burada pis heç nə yoxdur”.

    Əməkdar artist Tünzalə Ağayeva 2015-ci il üçün planlarını açıqlayıb. Sənətçi avropalı ifaçı ilə beynəlxalq duet hazırlayacaq: "Bu il planlarım çoxdur. İyunda Bakıda keçiriləcək İlk Avropa Oyunlarının atıcılıq üzrə ulduz elçisi seçildim. Mən və həmkarlarım böyük tarixi hadisənin bir hissəsi olacağıq. "Bakı 2015"lə bağlı xeyli tədbirlər gözlənilir. Yeni duetlər hazırlayıram. Bir avropalı ifaçı ilə beynəlxalq duetimiz baş tutacaq". T.Ağayeva həmçinin “Get” adlı yeni mahnısına çəkilən klipin hazır olduğunu bildirib:"Bəstə kliplə birlikdə təqdim ediləcək. Lirik bir musiqidir. Sözləri hörmətli şairimiz Rəşad Məcidə məxsusdur. Bu işdən gözləntilərim çoxdur. İnanıram ki, yaxşı olacaq".

   Müğənni Xatirə İslam görünüşündə dəyişiklik edib. Sənətçi saçlarını tünd rəngə boyayıb. X.İslam yeni görkəmdə olan şəkillərini instaqramda paylaşıb.

   Müğənni Sevinc Ağaşirinova ötən gün 1 yaşını qeyd edən oğlu Yahyaya kiçik toy edib. S.Ağaşirinova oğlunun xeyir işinə şou-biznesin bir çox tanınmış simalarını dəvət edib. 

 

Əhəd Miriyev

 

Muz-Tv.az