Aygün Kazımovanın ad günü ilə bağlı açıqlama

Xalq artisti Aygün Kazımovanın yanvarın 26-da 44 yaşı tamam olacaq...

     Xalq artisti Aygün Kazımovanın yanvarın 26-da 44 yaşı tamam olacaq.Axşam.az-ın məlumatına görə,müğənninin prodüseri Tarix Əliyev (Tolik) açıqlamasında qeyri-adi ad günü məclisinin keçiriləcəyini deyib: "Bu yığıncaq ötən ilkindən xeyli fərqlənəcək. Aygün xanımla qonaqların siyahısını hazırladıq. Bəzi məşhur insanların adları dəvətlilər sırasına salınmayıb. Ad günü hündür mərtəbəli məkanlardan birində baş tutacaq. Təklif etmişəm ki, gecədə dress- kod olsun. Hamı ya ağ, ya da qara geyinsin. Həmçinin Aygün xanım üçün maraqlı sürpriz hazırlayırıq”.

    Türkiyədə yaşayan müğənni İradə İbrahimova qızı İpəyə Bakının görməli yerlərini gəzdirir. Sənətçi bu haqqda açıqlamasında bildirib. “İstəyirəm qızım Bakının ən gözəl yerlərini görsün, yaddaşında saxlasın. İstanbula qayıdanda hamıya bu haqda danışsın. Onu görməli yerlərdə gəzdirirəm.İpək 4 yaş 2 aylıqdır. İndi gördükləri onun yaddaşına həkk olunacaq. Bura gələndə onu İstanbulda nənəsinin yanında qoya bilərdim. Amma bura qızımın vətənidir. İstədim tanısın, görsün, vətən havası udsun. Ona Bakı ilə bağlı gözəl söhbətlər danışıram, gəzməli yerləri göstərirəm. Hətta qızıma milli rəqslərimizi də öyrədirəm”.

     Müğənni Nadir Qafarzadə xanımını hər zaman baxımlı görmək istədiyini söyləyib. Sənətçi bu haqda açıqlamasında deyib. O, qeyd edib ki, həyat yoldaşı Sevinc xanıma işləməyə icazə vermir: “Həyat yoldaşım oxuyub, diplomu da var. Bir müddət tibb sahəsində də çalışıb. Hər gün yol pulunu məndən alırdı. Axırda dedim ki, işləmə, otur evdə, uşaqlara bax. Mən xanımımın çalışmasına icazə vermirəm. Lazımi qədər qazanıram, bəsdir.  Amma bu o demək deyil ki, o, evdən bayıra çıxmır. Mən onu hər yerə gəzməyə aparıram. Xoşlamıram, qadın evdə saçı yağlı, üstündən bozbaş iyi gəlmiş formada otursun. İstəyirəm ki, hər dəfə evə gedəndə onu salondan gəlmiş, bəzəkli formada görüm. Özünə də deyirəm, ziyafətə getməsən də, məni o formada bəzənib qarşıla. Mənə bu cür xoşdur”.

    Müğənni Emma Ələkbərzadə 2013-cü ildən üzərində çalışdığı yeni mahnısını təqdim edib. İfaçının İranda yazdırdığı bəstənin musiqisi Cənubi azərbaycanlı gitaraçı Abbasi Mehrə, sözləri isə özünə aiddir. Fərqli stildə olan mahnıda iranlı müğənni Sanam Abdolazimzadehin və Mehran Farşbahın ifası da yer alıb.

 

Əhəd Miriyev

 

Muz-Tv.az