Aygün Kazımova: “Kutsi məni çox bəyəndi”

Xalq artisti Aygün Kazımova türkiyəli ifaçı Kutsinin ünvanına təriflər yağdırıb. 

     Xalq artisti Aygün Kazımova türkiyəli ifaçı Kutsinin ünvanına təriflər yağdırıb. Axşam.az-ın məlumatına görə,müğənni açıqlamasında onunla işbirliyinə başlayacaqlarını deyib:“Türkiyədə birlikdə verilişə qatılacaqdıq. Amma Kutsi yeni albom hazırladığı üçün verilişlərə çıxmaq ona qadağan edilib. Studiyada tanış olduq. Oxudum, qulaq asdı, məni çox bəyəndi. Deyir sənin neçə qulağın var? Burdan səs rejissoru deyir, sən götürürsən. Bakıya gəlmək, mənimlə birlikdə proqramlara çıxmaq istəyir. İşbirliyimiz olacaq”.

     Müğənni Röya Ayxan və xalq artisti Brilliant Dadaşova duet oxuyacaqlar. Sənətçi duet ortağı ilə Cennifer Lopez kimi rəqs etmək arzusundadır: “Danışdıq ki, birgə iş görək. Hər ikimiz duet oxumağı qəbul etdik. Brilliant xanım da mahnı seçməkdə mahirdir. Biz daha fərqli olmalıyıq. Görəsən, Brilliant xanım mənimlə Cennifer Lopez kimi oynayacaq?”. 

    Əməkdar artist Abbas Bağırov keçmiş həyat yoldaşından danışıb.Sənətçi açıqlamasında toy fotolarını yayan şəxsləri tənqid edib:  “Hamı bilir ki, mən evli olmuşam. Keçmiş həyat yoldaşımla fotomu yayıb, lazımsız məlumatlar yazıblar. ailə, ev avtomobil musiqidən kənar mövzulardır və bu haqda danışmıram. Evlənəcəyimi soruşurlar. Təbii ki, vaxtı çatanda evlənəcəm. Bunu şok etməyin mənası yoxdur. Ailəvi mövzularla gündəmə gəlmək fikrim yoxdur. Öz saytım hazırlanır, məndən açıqlama almaq istəyənlər saytıma daxil olacaqlar, orada onlara video müraciətlərlə cavab verəcəyəm”.

     Türkiyədə yaşayan azərbaycanlı model Günay Musayevanın ayrıldığı həyat yoldaşı, aktyor Tolqa Karel Bakıya gələcək. Aktyor “Kod adı K.O.Z.” filminin martın 12-də Bakıda baş tutacaq qala gecəsində iştirak edəcək. T.Karel bu haqda “Facebook” səhifəsində yazıb:

“Son 20 ilin ən böyük layihəsi “Kod adı K.O.Z.”un qala gecəsinə az qaldı. Bütün sevənlərimlə bu tarixlərdə birlikdəyik: fevralın 11-də Türkiyədə, 12-də Ankarada, 13-də Konyada, 15-də Trabzonda, 26-da Almaniyada, 27-də Avstraliyada, martın 1-də Hollandiyada, 12-də Azərbaycanda olacağam”. Tolqa ilə birlikdə qala gecəsində G.Musayeva da iştirak edəcək. Model ekran işində Milli İstihbarat Təşkilatının (Milli Kəşfiyyat Komitəsi) agenti Zeynəb obrazını canlandırır. Qeyd edək ki, G.Musayeva bir müddət əvvəl həyat yoldaşından ayrıldığını, oğlu Cahangirlə tək yaşadığını deyib.

 

Əhəd Miriyev

 

Muz-Tv.az