Kriştiano Ronaldonun İrina Şeykdən ayrılması təsdiqləndi

İspaniyanın "Real Madrid" klubunun futbolçusu Kriştiano Ronaldonun məşhur model İrina Şeykdən ayrılması rəsmi şəkildə təsdiq olunub.

    İspaniyanın "Real Madrid" klubunun futbolçusu Kriştiano Ronaldonun məşhur model İrina Şeykdən ayrılması rəsmi şəkildə təsdiq olunub. Axşam.az-ın xarici mediaya istinadən verdiyi məlumata görə, 5 ildir sevgili olan cütlük haqqında ayrılıq xəbərləri bir neçə gün əvvəl Ronaldonun "Qızıl Top" mükafatını alarkən mərasimdə tək olması və sevgilisinin onu təbrik etməməsindən sonra yarandı. Rus modelin Ronaldonun ailəsiylə aralarının yaxşı olmadığı deyilsə də, İrinanın rəsmi nümayəndəsi Stefani Smit söz-söhbətə aydınlıq gətirib: "İrinanın Ronaldo ilə münasibəti sona çatıb. Amma haqqında yayılan xəbərlər doğru deyil. Münasibətləri müddətində İrina Kriştianonun ailəsiylə olduqca yaxın idi. Bu mövzuya aid mediada yayılan iddiaların heç biri həqiqətə uyğun deyil. Ayrılığın səbəbi, ümumiyyətlə, bu yazılanlar deyil". Qeyd edək ki, İspaniya mediası portuqaliyalı futbolçuyla sevgilisin ayrılma səbəbi kimi, İrinanın Ronaldonun anasının ad gününə qatılmamasını göstərib.

    Los-Ancelesdə "Salam, Sezar" (Hail, Caesar!) filminin çəkilişləri davam edir.Baş rollarında məşhur aktyorlar Reyf Fayns, Corc Kluni, Çeninq Tatum və aktrisa Skarlett Yohannson olan film tarixi komediya janrındadır. Filmin çəkilişlərindən paparatsilər Skarletin fotolarını əldə ediblər. O, çəkiliş meydançasında rahat ayaqqabılarda və xalatda görüntülənib. Maraqla gözlənilən film gələn ilin fevralında təqdim olunacaq.

    Aktrisa Eva Lonqoriya payızda yeni mini-serialla ekrana qayıdacaq. "Sabun operası" ("Telenovela") adlanan komediyanın mövzusu bir serialın çəkiliş meydançasında baş verənlərlə bağlı olacaq. Cəmi 13 seriya olacaq ekran işində aktrisa Anna-Mariya adlı obrazını canlandırmaqla yanaşı, həm də layihənin prodüseri olacaq.

   Türkiyəli müğənni Kənan Doğulunun qardaşı Ozan Doğulu üçüncü dəfə ata olub. Cütlüyün qızı Elya dünən dünyaya gəlib. O.Doğulu həyat yoldaşı Ece Doğulu və körpəsi ilə xəstəxanada çəkdirdiyi fotoları İnstaqram səhifəsində paylaşaraq xoşbəxt olduqlarını yazıb.  Qeyd edək ki, Ozan-Ece cütlüyünün Arya və Lila adlı iki qızı da var. 

 

Əhəd Miriyev

 

Muz-Tv.az