Elçin Cəfərov: “Həyatda etdiyim heç nəyə görə peşman deyiləm”

Elçin Cəfərov yeni olmasına baxmayaraq, tez bir zamanda sevilən "De, adın nə sənin?" adlı mahnısına klip çəkdirib. 

    Elçin Cəfərov yeni olmasına baxmayaraq, tez bir zamanda sevilən "De, adın nə sənin?" adlı mahnısına klip çəkdirib. Bəstənin musiqisi və sözləri Elməddin Həmidova, aranjimanı isə musiqiçi Tərlan Məmmədhüseynova məxsusdur. İfaçının ekran əsəri üçün özəlliklə seçdiyi biserli geyim də gözdən yayınmayıb: “ Əslində soyuq havada insan istəyir ki, həzin bir mahnı oxusun, amma biz əksini etdik. Çünki istədik ki, camaatda şən əhval-ruhiyyə yaradaq. Klipin rejissoru yoxdur. Sadəcə bu işin başında Ramil Quliyev durur. Operator isə Bəhruzdur. Çəkilişlər tək klubda yox, başqa məkanlarda da reallaşacaq. Geyimə gəlincə isə, həmişə bu təzdə geyinmirəm. Öz istəyimlə seçilib, dizaynı da özüm vermişəm. Çünki bu mahnı belə geyinməyi tələb edir”.
    Müğənninin sözlərinə görə, hələ kiçik yaşlarından irəlidə ulduz olacağı ilə bağlı ipucu verib. Deyəsən elə bu məqam ətrafdakıların da diqqətini çəkib: “Sənətçi oxumağa başlayanda onun artıq gələcəyi görünməlidir. Uşaqlıqda mənə deyirdilər ki, səndə o parıltı, şarm, görüntü var. Təvazökarlıqdan uzaq olsa da, mən də bunu bilirəm. Elə müğənnilər var ki, onlara ancaq radiodan qulaq asmaq lazımdır. Allah hər kəsi bir cür yaradıb və biz də bununla razılaşmalıyıq”.
    Uzun müddət şəxsi həyatı ilə bağlı medianın gündəmindən düşməyən Elçin hər zaman susmağa üstünlük versə də, bu dəfə kəskin açıqlaması ilə yadda qalıb: “Subaylardan mən qaldığım üçün bu mövzu mənim çox üzərimə gəlir. Ona görə qismət deyirəm. Düşünürəm ki, artıq evlənməyin zamanıdır. Keçmişdə olanlardan da heç bir qorxum yoxdur. Həyatda etdiyim heç nəyə görə peşman deyiləm!”

Sevda Məmmədova
Ramal Gülməmmədov

 

Muz-Tv.az