Zülfiyyə Xanbabayeva: “Türkiyə şou-biznesi bizimkiləri qəbul etmir”

Xalq artisti Zülfiyyə Xanbabayeva Türkiyə şou-biznesinə qatılan həmkarlarını qınayıb...

   Xalq artisti Zülfiyyə Xanbabayeva Türkiyə şou-biznesinə qatılan həmkarlarını qınayıb. Müğənni ona ünvanlanan “Niyə heç vaxt sən də Türkiyə şou-biznesinə qatılmağa can atmırsan” sualına belə cavab verib: “Türkiyə şou-biznesinə qatılanlar nə gördü ki, mən də nə görüm? Azərbaycandan kənara gedib qıraqda yazıq-yazıq dayanıb deyəcəm ki, mənə də aranızda yer verin? Ondansa getmərəm, qalaram öz vətənimdə, ən yüksək yerdə də olaram. Heç kim məndən inciməsin, Türkiyə şou-biznesi bizimkiləri qəbul etmir. Millətpərəstdirlər, özlərini çox sevirlər. İstərdim bizdə də belə olsun. Bir müğənni büdrəyən kimi hamı onu yıxıb sürüyür. Düzdür, onlarda da belə şeylər var. Amma qıraqdan gələni aralarına qoymurlar”.
   Əməkdar artist Murad Dadaşovun diceylik hobbisi olduğu ortaya çıxıb. Prodüser Tolik şoumenin diceylik edərkən videosunu çəkib və instaqramda paylaşıb.Tolik M.Dadaşovun xalq artisti Aygün Kazımova ilə işbirliyinə başlayacağını da qeyd edib: “Diceylik Murad Dadaşovun hobbisidir. Ola bilsin ki, gələcəkdə Murad Aygün xanımın hansısa bir mahnısını “mix” etsin”.
   Müğənni Elnur Məmmədov, Səidə Sultan və Natavan Həbibi Almaniyada konsert verəcəklər. Martın 21-də baş tutacaq konsert Novruz bayramına həsr ediləcək. Bu haqda E.Məmmədov sosial şəbəkədə yazıb: “Avropanın ən böyük Novruz konserti... Martın 21-də Kölndə Novruz əhval-ruhiyyəsi yaşanacaq. Var olsun azərbaycanlılarımız!”.
   Müğənni İradə İbrahimova həyat yoldaşı ilə münasibətlərindən bəhs edib: “Subay vaxtı münasibət daha şirin, dadlı olur. Axı, nəsə əlçatmaz olanda insana daha maraqlıdır. Ailə qurandan sonra hər şey dəyişir.Ailə qurduqdan sonra kişinin qapı açmaları, stulu çəkib oturmağına kömək etmələri olmur. Çalışmır ki, İradəni əlimin üstündə gəzdirim. Bunlar normaldır. Subay vaxtı əl-ələ tutanda bizə təəccüblü gəlirdi. Ailə qurduqdan sonra eşq bitir, yerini sevgi və hörmət alır. Bir-birinin dərdindən ölsən də, hörmət olmayanda birlikdə yaşamaq mümkün deyil. Bizim də aramızda böyük sevgi və hörmət var”.

Əhəd Miriyev

 

Muz-Tv.az