Lindsi Lohan nadir viruslardan birinə yoluxub

28 yaşlı aktrisa Lindsi Lohan Britaniya kral ailəsinin müalicə aldığı xəstəxanaya yerləşdirilib.

    28 yaşlı aktrisa Lindsi Lohan Britaniya kral ailəsinin müalicə aldığı xəstəxanaya yerləşdirilib. Dekabrın sonunda Bora-Bora adasında dincəlməyə gedən aktrisa nadir viruslardan sayılan "lixoraki çikunqunya"ya yoluxub. Lindsi həmin vaxt bu barədə Tvitterdə də yazıb: "Ağcaqanadlardan qorunmaq üçün spreydən istifadə edin. Yoxsa mənim kimi yoluxacaqsınız. Allah sizi qorusun". Hazırda o, hələ də xəstəxanada müalicə alır. Yüksək temperatur və ağrılardan əziyyət çəkən aktrisanın yoluxduğu virusun hələ ki, tam müalicəsi mümkün deyil. Lindsi Lohanın narkotik və alkoqol aludəçisi olması da vəziyyətini daha da ağırlaşdırır.
    “Eşq sənə bənzər” filmində birlikdə çəkilən aktyor Burak Özçivit və aktrisa Fəxriyyə Evcən münasibətlərini artıq gizlətmirlər. Cütlük filmin qala gecəsinə əl-ələ tutaraq qatılıb və ilk dəfə birlikdə poz verib. Qeyd edək ki, B.Özçivit və F.Evcən uzun müddətdir ki, sevgili olduqlarını gizlədirdilər.
    Almaniyalı aktrisa Məryəm Üzərlinin qızının atası, keçmiş sevgilisi Can Atəş yoxa çıxıb. İş adamının fırıldaqçılıq yolu ilə yaxınlarına və çalışdığı şirkətlərə 30 milyon avro dəyərində ziyan vurduğu deyilir. Uzun müddətdir heç bir yerdə görülməyən C.Atəşin Türkiyəni tərk etdiyi iddia olunur.
    “Maral” serialında rol alacaq aktrisa Hazal Kaya və aktyor Aras Bulud İynəmli İnstaqram səhifələrində birlikdə çəkilmiş ilk fotolarını paylaşıblar. Acun İlıcalının kanalı “TV8”də yayımlanacaq serialın qəhrəmanları şəkillərini “Başladıq” qeydi ilə yerləşdiriblər.

 

Əhəd Miriyev

 

Muz-Tv.az