Tünzalə: “Səninçün məna kəsb etmirəmsə, get”

Tünzalə Ağayeva ilk dəfə sevgidən danışıb: “Deyir ki, mənə sənlə mənalı idi, amma mən səninçün məna kəsb etmirəmsə və bizim...

    Tünzalə Ağayeva ilk dəfə sevgidən danışıb: “Deyir ki, mənə sənlə mənalı idi, amma mən səninçün məna kəsb etmirəmsə və bizim münasibətimiz mənasızdırsa, get. İnsan sevgisiz olarmı? Hər şeyə adamı bağlayan sevgidir. O ki, qaldı konkret obyektlərə, təəssüf ki, buna cavab verməyəcəyəm. Çünki mənim öz həyatımdır” .
    Əməkdar artist şəxsi həyatı barədə danışmaq istəməsə də, hisslərini gizlədə bilməyib. Ağayeva heç yerdə eşitmədiyiniz və dinləməyi ağlınıza belə gətirməyəcəyiniz etiraflarla qarşınızdadır: “Var ictimai həyatım, bir  də var şəxsi həyatım. Bağlı həyatımın kimi var, nəyi var, harda var, nə qədəri var, elə məsələni burda bağlayıram”.
    Bağışlamağı bacarmayan şəxslərə Tünzalə illərin təcrübəsinə güvənərək məsləhət verib. İçində acı çəkdiyini, amma peşmanlığını dilə gətirmək istəməyən əməkdar artist göz yaşlarını gizlədib: “Nifrət, intiqam hissi, həsəd, paxıllıq- bütün bunlar bizim qəlbimizi qaraldır. Bəlkə də içim ağlayır, amma düşünürəm ki, gözlərimin arxasında baş verənlər hadisələri yəqin ki, görürsünüz Getdiyim yolun heç birinə görə peşman deyiləm və ağlayıb onun geri dönməsini istəmirəm. Çünki hesab edirəm ki, bu, mənim o dönəmimin həyatı idi. Bax, bu qapıdan keçməli idim, o qapı artıq bağlanıb və açarı ən azı Xəzər dənizinə tullanılıb. Balıqlar yeyib, artıq o açar çürüyüb. O, geri qayıtmayacaq. Bu, mənim bir dərsim, məktəbim idi. Gün bitəndə bu gün yaşadıqlarımın da qapısı bağlanacaq.
   Tünzalə bu açıqlamaları yeni “Get” klipinin təqdimatında edib. Mahnının sözləri şair, publisist Rəşad Məcidə, musiqisi isə Tünzalənin özünə məxsusdur. Klipin rejissoru isə Fərhad Əlidir.Mahnı haqqında danışan əməkdar artist sözlərdən çox təsirləndiyini deyib: “O an var ki, səni orada hansısa söz çəkir. Sənə məna yoxdursa, get. Bu cümlə məni tutdu.   Şeiri araşdırmağa başladım. Çox rahatlıq bir musiqi yazdım”.
   Xarici görünüşünə hər zaman xüsusi ilə diqqət yetirən Ağayevanın gözündəki linza diqqəti cəlb edib: “Saç rəngimə görə məsləhət oldu ki, linza taxım. Həyəcanlandırdım, çünki kamera çox yaxından çəkirdi və mən tamamilə üz ifadəmlə oxuyurdum. Orada rəng dəyişimi nə qədər mənim hisslərimi öldürə və soyuq baxışlar əmələ gələ bilər deyə düşünürdüm. Amma baxandan sonra gördüm ki, elə deyil”. Müğənnidən seviləcəyinə əmin olduğu daha bir mahnı gələcək: “Yazda elə bir mahnı ifa edəcəyəm ki, gecə-gündüz oxuyacaqsınız”.  “Bakı -2015” Avropa Oyunlarının ulduz səfiri seçilən Tünzalə Ağayeva bu layihə çərçivəsinlə yarı İtalya, yarı fransız olan tanınmış bir xanım ifaçı ilə duet oxuyacaq.

 

Sevda Məmmədova
Çingiz Abdullayev

 

Muz-Tv.az