Elza Seyidcahan: “Yazıblar ki, oğlum qumarda mənim maşınımı uduzub”

Əməkdar artist Elza Seyidcahanın "Jeep" markalı avtomobilinin oğlu Ələkbər Qasımov tərəfindən qumarda uduzması xəbəri yayılıb.

    Əməkdar artist Elza Seyidcahanın "Jeep" markalı avtomobilinin oğlu Ələkbər Qasımov tərəfindən qumarda uduzması xəbəri yayılıb. E.Seyidcahan açıqlama verərək bildirib ki, oğlu qumar oynayan deyil: “Bir neçə müddətdir ki, oğlum barəsində yayılan şayiə məni çox narahat edir. Yazıblar ki, oğlum qumarda mənim maşınımı uduzub. Belə də haqsızlıq olar? Övladım abırlı, həyalıdır. Mənim oğlum qumar oynayan deyil. Yaxşı ki, bu şayiə oğlum ailə qurandan sonra oldu. Onun təzə qohumları da gördü ki, belə bir şey yoxdur. Bu sözləri yazanlar Allahın məhkəməsində cavab verəcəklər. Bu mövzu şişəcəksə, bütün arxiv araşdırılacaq, günahkarlar cavabını alacaq. Yəni bu şəri oğluma atanlar qanun qarşısında cavab verəcəklər. Hamı bilir ki, mənim övladlarımda belə bir şey ola bilməz. Onlar mənim tərbiyəmi görüblər, başqa cür ola da bilməzlər”. Qeyd edək ki, E.Seyidcahanın "10 LZ 799” dövlət seriyalı avtomobilinin qiyməti 70 minə yaxındır.
    Müğənni Elnarə Xəlilova imicində dəyişiklik edib. Sənətçi saçlarını kəsdirərək sarıya boyadıb. İfaçı yeni fotosunu paylaşaraq ona pislik edənlərə ismarış göndərib:“Bu gün bir daha anladım, ədalət deyilən bir şey var. Tərbiyəsizlik, mədəniyyətsizliyin axırı ancaq uçurumdur. Bütün bu neqativdən uzaq sizə pozitiv bir söz demək istəyirəm: Sizi sevirəm”.
    Müğənni Roza Zərgərliyə qızıl telefon hədiyyə ediblər. Sənətçi yeni telefonunun qiymətinin 4100 manat olduğunu deyib. R.Zərgərlinin “İphone 6”-sı 18 əyarlı qızıldandır. İfaçı hədiyyəni verənin adını sirr saxlayıb.
    Bu gün müğənni Samir Piriyevin ad günüdür. İfaçı doğum gününü həyat yoldaşı ilə birlikdə təyyarədə qarşılayıb. Uzun müddətdir Türkiyədə olan, bu gün Bakıya qayıdan ifaçı təəssüratlarını bölüşüb:“İlk təbriki həyat yoldaşımdan aldım. Daha sonra hava limanına enəndə prodüserim Anar Mədətov təbrik etdi. Ən böyük hədiyyəm övladlarımı görmək oldu. Türkiyədə olduğum üçün onları görmürdüm, darıxmışdım. Gecə uşaqlarıma qovuşdum. Mənim üçün bundan böyük hədiyyə ola bilməzdi”.
S.Piriyev İstanbul səfərinin səbəbini də açıqlayıb:“Həm dincəlməyə, həm də işlərimlə bağlı getmişdim. Həyat yoldaşım mənim üçün bir klip də çəkdi. Yaxın günlərdə təqdimat keçirəcəm”. Qeyd edək ki, S.Piriyevin üç övladı var.

Əhəd Miriyev

 

Muz-Tv.az