Rihanna fanatlarını sevindirdi

Müğənni Rihanna fanatlarını yeni ideyasıyla sevindirib. Axşam.az-ın xarici mediaya istinadən xəbərinə görə, o, Tvitterdə reper Kanye Uest...

    Müğənni Rihanna fanatlarını yeni ideyasıyla sevindirib. Axşam.az-ın xarici mediaya istinadən xəbərinə görə, o, Tvitterdə reper Kanye Uest və əfsanəvi sənətçi Pol MakKartni ilə yeni mahnısını paylaşıb. Ancaq "FourFiveSeconds" adlı mahnı problemlərə səbəb ola bilər. Belə ki, Kanye mahnını yeni albomuna salmaq istəyir, Rihanna isə onu özünün yeni mahnısı kimi təqdim edib.
    Türkiyəli şoumen Bəyazid Öztürk evlənəcəyi haqda yayılan xəbərlərə açıqlama verib. Şoumen yazılanların yalan olduğunu deyib: “Haqqımda yazıldı ki, guya evlənirəm. Üstəlik, evimi də 4 milyon avroya satmışam. Sağ olsunlar, təşəkkür edirəm. Bunları öyrənməyim öz adıma yaxşı oldu. Media olmasa, evlənəciyimdən xəbər tuta bilməyəcəkdim. Guya evimi də satmışam. Halbuki mən kirayədə qalıram”.
    Türkiyəli aktyor Burak Özçivit və aktrisa Fəxriyyə Evcən “Eşq sənə bənzər” filminin nümayişi üçün tamaşaçılarla görüşüblər. Cütlük pərəstişkarları ilə birlikdə selfi də çəkdirib.
    Türkiyəli müğənni Sərdar Ortaç irlandiyalı həyat yoldaşı Xloe Luqnanın “Bu tarz benim” yarışmasında münsif olmasına münasibət bildirib. İfaçı buna çox sevinib. S.Ortaç artıq ev işlərini özünün gördüyünü etiraf edib: “Evlilik ortaq həyatdır. Mətbəxdə elə də bacarıqlı olmasam da, yeməkləri qızdırıb süfrəyə qoyuram. Xörəkləri köməkçilərim bişirir. Artıq ev kişisi oldum”.

Əhəd Miriyev

 

Muz-Tv.az