İrina Şeyk dünya şöhrətli mügənilərin klipində rol aldı

29 yaşlı rusiyalı top-model İrina Şeyk fanatları üçün maraqlı sürpriz edib.

    29 yaşlı rusiyalı top-model İrina Şeyk fanatları üçün maraqlı sürpriz edib.Axşam.az-ın Rusiya mediasına istinadən xəbərinə görə, məşhur model müğənnilər Mark Entoni və Romeo Santosun yeni klipində baş rolda oynayıb. Cennifer Lopezin keçmiş həyat yoldaşının quldur rolunda, Santosun isə polis olduğu "Yo Tambien" adlı mahnının klipində İrina iki tərəf arasında qalmış gözəl qız obrazını canlandırıb. Xatırladaq ki, Şeyk sevgilisi, futbolçu Kriştiano Ronaldo ilə bir həftə əvvəl ayrılıb. 

    Dünya şöhrətli yunan müğənni Demis Russos 68 yaşında dünyasını dəyişib. İfaçının ölüm səbəbi açıqlanmır. Karyerasına 17 yaşında başlayan Demis əslən Misirdəndir. 60-cı illərdə şöhrəti hər yerə yayılan müğənni “Forever and ever” (“Əbədi və həmişəlik”), “Goodbye my love, goodbye” (“Əlvida, sevgilim, əlvida”) kimi məşhur mahnıların ifaçısıdır. Sənətçinin albomları dünya miqyasında 60 milyondan çox satılıb. Demis Russosun 3 evliliyindən 2 uşağı var - qızı Emili və oğlu Siril. 

    Ledi Qaqa həftəsonu evlənməyə hazırlaşan dostlarının partisinə qatılıb və Merlin Monroya bənzəyən sarı saçları, mini çəhrayı paltarı ilə diqqət çəkib. Parti boyu müğənni pəhrizini pizza yeyərək pozub və Instaqram hesabında striptizçi pozasında şəkillər paylaşaraq yaxşı vaxt keçirdiklərini yazıb. Ardınca idman zalından yarıçılpaq fotolarını yayıb.

    Meqastar Tarkan İstanbulu tərk edərək İzmirdəki Şirincə kəndinə köçüb. Təbiəti və sakitliyi sevən ifaçı bundan sonra kənd evində yaşayacaq. Tarkanın İstanbuldakı evi isə yol tikintisi və “3-cü körpü” layihəsi ilə əlaqədar söküləcək. Müğənni yalnız işlərindən ötrü İstanbula gedəcək.

 

Əhəd Miriyev

 

Muz-Tv.az