İradə İbrahimova motosikletə görə həyat yoldaşı ilə dalaşdı

Müğənni İradə İbrahimova ailəsində yaranan narazılığı dinc yolla aradan qaldırdığını deyib.

   Müğənni İradə İbrahimova ailəsində yaranan narazılığı dinc yolla aradan qaldırdığını deyib. Axşam.az-ın məlumatına görə,həyat yoldaşı Ceyhunun motosiklet sevgisi üstündə davalarının düşdüyünü bildirib: “Yoldaşım motosiklet aldı. Bu, bizim ailədə böyük problem yaratdı. Türkiyədə buna “şeytan maşını” deyirlər. Eşidəndə sərt reaksiya verdim. Dalaşdım, narazılığımı bildirdim, səs-küy saldım. Gördüm ki, qayınanam sakit yolla onu başa saldı. Başa düşdüm ki, mənim hələ öyrənməyə çox şeyim var, tərbiyələnməliyəm. Çünki mən ona deməliydim ki, xahiş edirəm olmasın. İndi öyrənmişəm. Narazılığımı sakit izah etməyə çalışıram. Ona görə də, daha ailəmizdə dava olmur”.
  Müğənni Lətifə Soyuöz özü ilə bağlı maraqlı etiraf edib. İfaçı qardaşlarını qısqandığını bildirib: “Evin tək qızıyam, iki qardaşım var. Onlara qarşı eqoistəm. Həmişə mənə diqqət göstəriblər. Amma hər zaman söyləyirəm ki, daha çox diqqət göstərin. Evdə deyirlər ailələri var, evləniblər. Onlar öz həyat yoldaşlarının qayğısına qalmalıdırlar. Razılaşmıram ki, xeyr, mənə daha çox diqqət olmalıdır”.
   Müğənni-bəstəkar Pərviz Mahmudov uzun fasilədən sonra yenidən oxumağa başlayıb. Sənətçi “Canımda cansan” adlı mahnısını səsləndirib. Bəstənin sözləri Aygün İsmayılovaya, musiqisi ifaçının özünə aiddir. Qeyd edək ki, P.Mahmudov “Yeni ulduz” müsabiqəsinin iştirakçısı olub. O, uzun müddət müğənniliyə ara verib bəstəkarlıqla məşğul olmuşdu.
  Müğənni Elçin Hüseynov oğlu Pənahın kiçik toyunu edib. Sənətçinin sahibi olduğu restoranda baş tutan gecənin aparıcısı Sərxan Kərəmoğlu olub.
İfaçı oğlu üçün nağıl qəhrəmanlarının obrazına girən aktyorlar gətizdirib. Gecədə E.Hüseynovun ailəsi, yaxın qohumları və sənət aləminin tanınmış simaları iştirak edib. Qeyd edək ki, E.Hüseynovun həmçinin iki qız övladı var.

 

Əhəd Miriyev

 

Muz-Tv.az