Teylor Svift Havay adalarında

Müğənni Teylor Svift Havay adalarında istirahət edir. Axşam.az-ın Rusiya mediasına istinadən xəbərinə görə...

    Müğənni Teylor Svift Havay adalarında istirahət edir. Axşam.az-ın Rusiya mediasına istinadən xəbərinə görə, o, "HAİM" musiqi qrupundakı dostlarıyla okean sahilinə yollanıb. Onlar istirahətlərini yaxtada davam etdiriblər. Məşhur pop ifaçısı maraqlı fotolar çəkdirərək sosial şəbəkədə paylaşıb.
    Türkiyəli müğənni Demet Akalın həyat yoldaşı Okan Kurtla birlikdə Uludağdadır. Konsert verməyə yollanan müğənni istirahətə də vaxt ayırıb. Demet konsertdən əvvəl təşkil etdiyi qonaqlıqda kolbasa-çörəyi həyat yoldaşına öz əli ilə yedirdib. Cütlüyün səmimi münasibəti gözlərdən qaçmayıb.
    Aktrisa Emma Uotson Disneyin məşhur “Gözəl və çirkin” çizgi filminin yeni çəkilən kino versiyasında oynayacaq.  Bu barədə aktrisa özünün "Facebook"dakı hesabında yazıb: “Nəhayət ki, sizinlə bölüşə bilərəm. Mən Disneyin yeni filmində Bell rolunu ifa edirəm. Uşaqlıqdan bu nağılı sevirdim, indi “Be our Guest” mahnısının sədaları altında rəqs edəcəyimə və "Something There" mahnısını oxuyacağıma görə çox xoşbəxtəm. Vokal dərsləri almağın tam zamanıdır”. Çizgi filminin kino üçün ssenarisini Stiven Çboski yazacaq. Rejissoru isə Bill Kondon olacaq.
   Türkiyəli müğənni Gülbən Ərgənin jurnalist həyat yoldaşı Ərxan Çəlikin sosial şəbəkədə paylaşdığı foto müzakirələrə səbəb olub.  Ə.Çəlik İnstaqram səhifəsində əvvəlki evliliyindən olan oğlu ilə G.Ərgənin yatarkən çəkilmiş fotosunu yerləşdirərək “Onlar yatanda mənim yuxularım oyanır” sözlərini yazıb. Lakin qısa müddət sonra izləyicilər bu fotoya sərt münasibətlərini bildiriblər. Xüsusilə qadınlardan biri “Bəs öz anası? Mən olsam, dərdimdən ölmüşdüm. Ağlım oğlumda qalardı” şərhini qeyd edib. Bundan başqa, bəziləri Kayranın Gülbənə də oxşadığını yazıb.

 

 

Əhəd Miriyev

 

Muz-Tv.az