Aygün Kazımova yarıçılpaq fotosunu paylaşdı

Xalq artisti Aygün Kazımova sosial şəbəkədə yeni fotosunu paylaşıb. Axşam.az xəbər verir ki, müğənni açıq-saçıq şəklinə "Canlarım, sabahınız xeyir" şərhini yazıb.

   Xalq artisti Aygün Kazımova sosial şəbəkədə yeni fotosunu paylaşıb. Axşam.az xəbər verir ki, müğənni açıq-saçıq şəklinə "Canlarım, sabahınız xeyir" şərhini yazıb. Qeyd edək ki, A.Kazımova son günlər xeyli arıqlaması ilə diqqət çəkir. Pəhriz saxlayaraq idman edən müğənni bildirib ki, həkimlər onda anoreksiya (sürətlə arıqlama) təhlükəsi olduğunu deyiblər.
   Müğənni Nadir Qafarzadə xalq artisti Brilliant Dadaşovanın onunla bağlı açıqlamasına münasibət bildirib. B.Dadaşova N.Qafarzadənin səsləndirdiyi “Unutulur” mahnısının əslində onun ideyası olduğunu söyləyib: “Efirdə dedim bu mahnını Zülfiyyə Xanbabayeva ilə duet oxuyacağıq. Gördüm Nadir götürüb oxudu”. N.Qafarzadə qarşı tərəfin iddiasının həqiqətə uyğun olmadığını deyib: “İfa etdiyim mahnılar hər zaman müzakirə mövzusu olur. Bu normaldır. Bu günə qədər bir çoxları mənim ideyamı oğurlayıb. Buna hələ də davam edirlər. Amma mən heç kimin mahnısını nə oğurlamışam, nə də ki mənimsəmişəm. İllərdir dinlədiyim bir mahnını repertuarıma daxil etmişəm. Bu bəstəni ilk öncə tələbəmlə duet şəklində ifa etdim. Lakin daha sonra solo versiyada oxumağı qərara aldım. Çünki əksər yerlərdə bu mahnını məndən istəyirlər”.
   Rəqqasə Fatimə Fətəliyeva meyxanaçı İntiqam və Ehtiram qardaşları ilə işbirliyinə başlayır. O bildirib ki, Azərbaycanda analoqu olmayan bir layihənin hazırlığına start verilir: “Bir neçə ay öncə İntiqam və Ehtiram qardaşları ilə görüşüb söhbət etdik. Həmin layihədə bu illər ərzində hazırladığım rəqslərdən nömrələr yer alacaq. Ətraflı danışmaq istəmirəm. Çünki şou-biznesdə ideya oğruları çoxdur. Yaxın müddətdə çəkilişlərə başlayacağıq. Hazır olduqdan sonra mediaya təqdim ediləcək. Düşünürəm ki, həyata keçirəcəyimiz bu layihə Azərbaycanda bir yenilik olacaq”.
   “Eurovision-2011” qalibi Nigar Camalın Türkiyədə lentə aldırdığı yeni klipinin ilk görüntüsü yayılıb. Müğənni ekran işində dünya ulduzu Cennifer Lopez kimi rəqs edib. Klipin rejissoru Nihad Odabaşıdır. Klipdən bir parçanı sosial şəbəkədə paylaşan N.Camal “Yeni mahnım tezliklə... Türkiyədə hazırlanır. Bu cür libasları sevirəm. Amma onda çox hərəkət etmək mümkün deyil, ağırdır” sözlərini yazıb.

 

Əhəd Miriyev

 

Muz-Tv.az