Aygün Kazımova: "Mənim yerimi ancaq qızım tuta bilər"
Xalq artisti Aygün Kazımova şou-biznesdəki yerini qızı İlqarə Kazımovaya verəcək.
Xalq artisti Aygün Kazımova şou-biznesdəki yerini qızı İlqarə Kazımovaya verəcək. Axşam.az-ın məlumatına görə, müğənni açıqlamasında sənətdə yeganə davamçısı kimi onun adını çəkib: “Qızım şou-biznesdəkilərə ciddi rəqib gəlir. Bu incəsənətdə, şou-biznesdə məndən başqa heç kim yoxdur. Mən illər əvvəl də bu sözü demişəm ki, yerimi ancaq İlqarə tuta bilər. Aygün Kazımovanın davamçısı ancaq onun qızı ola bilər. Çünki belə potensial ancaq onun qızında var. İlqarə mənim ən böyük layihəmdir. Onun ilk işinə addım atdım, klipini çəkdirdim”.
Əməkdar artist Lalə Məmmədova sənət dostlarının geyim tərzindən danışıb. Müğənni zövqünü bəyəndiyi ifaçıların adlarını çəkib:
“Röyanın axırıncı konsertindəki geyimini, saç düzümünü çox bəyəndim. İmici üzərində Türkiyədən gələn komanda çalışmışdı. Konsertdən sonra özünü görməmişəm ki, gözəl olduğunu deyim. Zülfiyyə Xanbabayevanın geyim tərzini bəyənirəm. Aygün Kazımova plastilin xanımdır, nə geyinirsə yaraşır. Çimərlik paltarında da çıxsa, ona gözəl qalacaq. Hər geyim tərzi ruhuna uyğun gəlir. Tünzalə Ağayeva da son günlər maraqlı geyim tərzindədir. Saçının rəngini dəyişib. Amma mənim daha çox qırmızı xoşuma gəlirdi”.
Əməkdar artist Manananın qızı Elizabetlə fotosu yayılıb. Müğənninin yerli mediadan uzaq saxladığı qızı da sənətə meyillidir. Manana Elizabetin Gürcüstan telekanallarında qonaq olduğunu və mahnılar oxuduğunu bildirib. Qeyd edək ki, Manana Gürcüstan vətəndaşı Georgi ilə ailəlidir. Cütlüyün bir oğlu da var.
Repçi Elşad Xose uzun fasilədən sonra yaradıcılığı işi ilə gündəmə gəlib. O, növbəti dəfə repi meyxana ilə sintez edib. Mir Fərid Zirəli ilə “Adrenalin” adlı musiqi parçasını ifa edən E.Xose bəstənin seviləcəyinə inandığını deyib. Qeyd edək ki, E.Xose meyxana ilə repin sintezini 2010-ci ildə Vahid Qədimlə etmişdi. Onların ifa etdikləri “Şou-biznes-şou-biznes” adlı mahnı dinləyicilər tərəfindən maraqla qarşılanmışdı.
Əhəd Miriyev
Muz-Tv.az