Şakira və yeni doğulmuş oğlu Saşa xəstəxanadan çıxdı

Kolumbiyalı müğənni Şakira və yeni doğulmuş oğlu Saşa xəstəxanadan çıxıb.

   Kolumbiyalı müğənni Şakira və yeni doğulmuş oğlu Saşa xəstəxanadan çıxıb. Axşam.az-ın Rusiya mediasına istinadən xəbərinə görə, dünən paparatsilər müğənni və həyat yoldaşı, futbolçu Pikeni avtomobilində evə dönərkən görüntüləyiblər. 38 yaşlı ana üzündəki gülüşlə xoşbəxt olduğunu hiss etdirib. O, hər kəsə diqqətinə görə təşəkkür edərək ailəsi ilə evə girib. Xatırladaq ki, cütlük rəsmi nikahda olmasa da, Milan və Saşa adlı iki oğulları var.
   Türkiyəli müğənni Gülbən Ərgən keçmiş həyat yoldaşı Mustafa Ərdoğanla yenidən bir araya gəlib. İfaçı oğlanları və M.Ərdoğanla birlikdə Kadıköy Xalq Təhsil Mərkəzində tamaşaya baxıb. Mustafa jurnalistlərə müsahibəsində “Yaxşı ki, Gülbən gəlib bizə dəstək oldu” deyib.
   Avstraliyalı müğənni Kayli Minoq yeni klipini təqdim edib. O, prodüsser Giorgio Moroderlə "Right Here, Right Now" mahnısını səsləndirib.  Giorgio özü klipdə görünməsə də, mahnıda ona xas effektləri hiss etmək mümkündür.
   Aktrisa Mila Kunis ana olduqdan sonra ilk dəfə çəkildiyi "Jupiter Ascending" filminin qala gecəsində görüntülənib. Qara libasda olan aktrisa 4 ay əvvəl qızını dünyaya gətirməsinə baxmayaraq, normal bədən quruluşu ilə diqqət çəkib. Həmkarı Çaning Tatum və film heyətinin digər aktyorları ilə birlikdə poz verən aktrisanın xoşbəxtliyi gözlərindən oxunub.

 

Əhəd Miriyev

 

Muz-Tv.az