Polad Bülbüloğlunun 70 yaşı tamam olur

 Bu gün bəstəkar və müğənni, Azərbaycanın Rusiyadakı fövqəladə və səlahiyyətli səfiri, xalq artisti Polad Bülbüloğlunun 70 yaşı tamam...

   Bu gün bəstəkar və müğənni, Azərbaycanın Rusiyadakı fövqəladə və səlahiyyətli səfiri, xalq artisti Polad Bülbüloğlunun 70 yaşı tamam olur. Polad Bülbüloğlu 4 fevral 1945-ci ildə Bakıda dünyaya gəlib. Özünə soyad kimi atasının ləqəbini - Bülbül götürüb. Uzun müddət Azərbaycan Respublikasının Mədəniyyət naziri kimi fəaliyyət göstərib. Hazırda Rusiya Federasiyasında Azərbaycanın fövqəladə və səlahiyyətli səfiridir. 1973-cü ildən əməkdar incəsənət xadimidir. 1982-ci ildə Azәrbaycan SSR xalq artisti adına layiq görülüb. 1989-cu ildәn Azərbaycan Respublikasının Mədəniyyət naziri, 1994-cü ildәn Türksoyun sәdri olub.  O, geniş yayılmış bir sıra mahnıların müәllifi vә ifaçısı kimi tanınır.
   Əməkdar artist Elza Seyidcahan özü ilə bağlı maraqlı etiraf edib: “Vaxtilə çəkilişlərə un daşıyan maşında getmişəm. Qonşumuzda Əsəd dayı var idi. Artıq tanındığım üçün küçədə bəziləri mənə söz atmasın deyə məni verilişlərə o aparırdı. Bəlkə də, başqası olsaydı, o maşına oturmazdı. Kompleksim o zaman yaranar ki, mən siqaret çəkib, içki içərəm”.
   Müğənni-bəstəkar Rəhim Rəhimli “Tərk-i diyar” adlı mahnısını təqdim edib. Gürcüstanda, “Bravo records” studiyasında lentə alınan mahnının aranjimanı Borikoya məxsusdur. Mahnının masterinqi Nyu-Yorkda edilib. Bu, Rəhim Rəhimlinin Tbilisidə ikinci işidir.
   Rus xalq “RnB” kraliçası Byanka fevralın 21-də Bakıda konsert verəcək. Restoranların birində baş tutacaq gecədə müğənni klub şousu nümayiş etdirəcək. Ulduz qonaq konsertdə hit olan və yeni mahnılarını səsləndirəcək. Biletlərin qiyməti 40-100 manat arasıdır.

 

Əhəd Miriyev

 

Muz-Tv.az