Elnur Hüseynov yenə qalib gəldi

"O səs Türkiyə" yarışmasında qalan son azərbaycanlı iştirakçı Elnur Hüseynov "Son seçimlər" mərhələsində çıxış edib. 

    "O səs Türkiyə" yarışmasında qalan son azərbaycanlı iştirakçı Elnur Hüseynov "Son seçimlər" mərhələsində çıxış edib. Axşam.az-ın xəbərinə görə, Ebru Gündeşin komandasında olan həmyerlimiz bu dəfə "Daft Punk"ın "Get lucky" mahnısını səsləndirib. Elnurun rəqibi, Mazhar-Özkan cütlüyünün yarışmaçısı Seda Yiyin isə Sertab Erenerin "Aşk" mahnısını oxuyub. E.Hüseynovun ifası yenə də münsiflər tərəfindən yüksək qiymətləndirilib. Mazhar Alanson onu "yarışmanın əfsanəsi" adlandırıb. Tamaşaçı səsverməsiylə Elnur sonda qalib olaraq canlı yayımlar mərhələsinə keçib. *****Müğənni Sevda Yahyayeva “Aç mənə vərəq yaz” adlı yeni mahnısını təqdim edib. Bəstənin sözləri Leyli İsrafilovaya, musiqisi isə Hakan Erola məxsusdur.

    Xəbər verdiyimiz kimi, türkiyəli müğənni Murad Dalkılıç Bakıya gələcək. Təşkilatçı Nahid Emiloğlu konsertlə bağlı məlumatlar verib. O, mərasimin martın 22-də restoranların birində baş tutacağını söyləyib: “Murad Bakıya orkestri ilə birlikdə gələcək. Konsertdə ondan əvvəl səhnəyə Aysel Əlizadə çıxacaq. Murad eyni zamanda media nümayəndələri ilə görüşəcək. Bu, onun öz istəyidir. Bunu konsert danışıqları zamanı tələb etdi”.

    Müğənni Xatirə İslam həyat yoldaşı Fəxrəddin və oğlu Emillə gəzintiyə çıxıb. Əvvəl əyləncə mərkəzinə, sonra isə parka gedən sənətçi ailəsi ilə fotolarını sosial şəbəkədə paylaşıb.

 

 

Əhəd Miriyev

 

 

Muz-Tv.az