İfaçı-bəstəkar Emin konsertə hazırlaşır

Müğənni-bəstəkar Emin martın 10-da Londonda konsert verəcək. Axşam.az-ın məlumatına görə, “More amor” adlı konsertdə...

    Müğənni-bəstəkar Emin martın 10-da Londonda konsert verəcək. Axşam.az-ın məlumatına görə, “More amor” adlı konsertdə ifaçı dünya şöhrətli musiqiçi Çarli Uilyamsla səhnəyə çıxacaq. Avropa turnesinə başlayan Emin martın 12-də Madriddə, martın 16-da isə Amsterdamda konsert proqramı ilə çıxış edəcək
    Məşhur müğənni Sami Yusif Bakının qonağı olacaq. O, müğənni Röya Ayxanın rəhbərlik etdiyi “Kevents Group” un təşkilatçılığı ilə konsert vermək üçün Azərbaycana gəlir. Konsertin vaxtı və məkanı yaxın günlərdə açıqlanacaq.
   Müğənni Günay İbrahimli burnunu əməliyyat etdirəcək. Bu haqda ifaçının prodüseri Toma Hüseynəliyeva açıqlamasında deyib. O, bu məsələdə Günayı yola gətirdiyini bildirib: “Günay həmişə burnunu kəsdirməyə etiraz edir. Amma danışmışam ki, bu lazımdır, yola gəlib. Yaxın günlərdə əməliyyat olacaq. Düzdür, bu burnu da ona yaraşır. Ancaq nəfəsalma problemi var. Bunu da aradan qaldırmaq üçün əməliyyat olunmalıdır. Həmin an görünüşünə də müdaxilə ediləcək”. Qeyd edək ki, burnuna irad tutulsa da G.İbrahimli hər zaman açıqlamasında əməliyyatdan qorxduğunu və bunu etdirməyəcəyini deyirdi.

    Müğənni Nadir Qafarzadə telekanalların birində həmkarı, əməkdar artist Cavanşir Məmmədov barədə dediyi “qoca gey” ifadəsinə görə, 10 min manat cərimə ödəyib. Bu barədə Lent.az-a açıqlama verən müğənni bildirib ki, o, bu gündən etibarən C.Məmmədovu danışdırmayacaq: Nəsimi rayon məhkəməsinin qərarına əsasən Cavanşir Məmmədova 10 min manat ödəyəsi oldum. Amma bundan sonra mən həmin həmkarımla dost ola bilmərəm. Heç barışığımız da mümkün deyil. Eşitdim ki, Cavanşir Məmmədov mənim ödədiyim 10 min manatı kimsəsizlər evinə yardım edəcək. Amma insan bir yaxşılığı edirsə, gərək öz pulu ilə edə ki, savab qazana. O savab isə mənim adıma yazılacaq. Bu 10 mini Cavanşirə halal etmirəm”. C.Məmmədov isə açıqlamasında deyib ki, məhkəmə N.Qafarzadəyə 10 min manat yox, daha çox cərimə kəsməli idi: İndi bu barədə danışmağın yeri yoxdur. Şəxsiyyətimi təhqir etdi, cəriməsini də ödədi. Hələ 10 min manat azdır. Daha çox cərimə ödəməli idi. Eşitdim ki, 10 min manata görə məndən inciyib. Demək, pula görə məndən küsür? Heç o pul mənə lazım da deyil. İndi 10 min manatın hara xərclənəcəyini vəkilim yaxşı bilir.

 

 

Əhəd Miriyev

 

Muz-Tv.az