Dünya ulduzları 57-ci “Qremmi” musiqi mükafatlandırma mərasimində
Dünən Los-Ancelesdə təşkil edilən “Qremmi” musiqi mükafatlandırma mərasimi rəngarəng görüntülərlə yadda qalıb.
Dünən Los-Ancelesdə təşkil edilən “Qremmi” musiqi mükafatlandırma mərasimi rəngarəng görüntülərlə yadda qalıb. Axşam.az-ın xarici mətbuata istinadən məlumatına görə, bu il 57-ci dəfə baş tutan mərasimin qırmızı xalısında bir çox məşhur poz verib. Onların arasında Beyons, Rihanna, Madonna, Nikol Kidman, Keti Perri, Qven Stefani, Teylor Svift, Toni Bennet və Ledi Qaqa, Mayli Sayrus, Paris Hilton, Nikki Minaj, İqqi Azaleya və başqaları yer alıblar. Gecənin ən çox danışılan hadisəsi isə Madonnanın paltarının arxasını düzəldərkən kameralara verdiyi poz olub.
“Eurovision-2003” qalibi, türkiyəli müğənni Sərtab Ərənər küçədə “yatıb”. İfaçı bunu “Təsadüf eşq” klipi üçün edib. Yeni albomunun ilk klipinin çəkilişlərinə başlayan Sərtab küçədə yatan qadın obrazını canlandırıb. Şəklini İnstaqram səhifəsində paylaşan sənətçi “Çəkilişdən sonra məni ayağa qaldırmadılar. Qıvrılıb oradaca yatdım” sözlərini yazıb.
Türkiyəli aktyor Burak Özçivitlə aktrisa sevgilisi Fəxriyyə Evcən yeni seriala başlayırlar. Avtomobildə görüntülənən cütlük jurnalistlərin suallarını cavablandırıb. B.Özçivit “Qala gecələrindən yorulduq. Film mövsümü bitdi. İndi təzə seriala başlayırıq”, - deyə açıqlama verib. F.Evcənin hər seriya üçün 35 min lirə (təxminən 11 min manat) alacağı deyilir. Ekran işinin adı və mövzusu hələ ki, açıqlanmır. Qeyd edək ki, Burak Özçivitlə Fəxriyyə Evcən “Çalıquşu” serialının çəkilişləri zamanı tanış olublar. Onlar “Eşq sənə bənzər” filmində də birgə rol alıblar.
“Möhtəşəm yüz il” serialının Sultan Süleymanı, aktyor Halit Ərgənç Simfonik Orkestrin müşayiəti ilə konsert verib. Sərdar Yalçının dirijorluğu ilə möhtəşəm səhnə performansı sərgiləyən H.Ərgənç konsertə “Məni kateqorizə etmə” mahnısı ilə başlayıb. Bundan başqa, o, “Rəsmdəki göz yaşları”, “Səssiz gəmi”, “Qadınım”, “Ağlamaq gözəldir” kimi bəstələri səsləndirib. Halit Ərgənçin konserti Argentinanın yerli internet kanallarından biri vasitəsilə canlı yayımlanıb.
Əhəd Miriyev
Muz-Tv.az