Brilliant Dadaşovadan cazibədar fotolar
Xalq artisti Brilliant Dadaşova "Apar məni" mahnısını dinləyicilərə yeni versiyada təqdim edib.
Xalq artisti Brilliant Dadaşova "Apar məni" mahnısını dinləyicilərə yeni versiyada təqdim edib. Axşam.az-ın məlumatına görə, sözləri Cəlal Qurbanova, musiqisi Rüstəm Zeynallıya məxsus mahnı bir neçə il əvvəl oxunub. Bəstəyə klip Türkiyədə çəkilib. İlk aranjimandan razı qalmayan müğənni onu yenidən oxumaq qərarına gəlib. Yeni versiyanı türkiyəli musiqiçilərlə ərsəyə gətirən B.Dadaşova budəfəki ifasından məmnun olub. B.Dadaşova Maldiv adalarında “Səndən ayrı” mahnısına klip çəkilişi zamanı lentə alınan yeni fotolarını da təqdim edib.
Müğənni İradə İbrahimova şou-biznesin hazırkı vəziyyətindən gileylənib. Sənətçi həmkarlarına səslənərək onları yenidən bir araya gəlib, estrada sənətini ayağa qaldırmağa çağırıb: “Gəlin, estradanı ölməyə qoymayaq. Şou-biznesdəki durğunluğu mən də hiss edirəm. Boşluq var, bu hal heç xoş deyil. Vətənimə gələndə istəyirəm hamı yığışsın, oturub mənim yeniliklərimi müzakirə edək. Həmkarlarım fikir bildirsinlər: “İradə İstanbulda nələr etdi? Dəydimi gedib orada nəsə etməyə?”. Səhnədəki qaynarlıq yoxdur. Bu durğunluq çox olsa, mən də qayıdıb Türkiyəyə gedəcəm. Rəqabət olmalıdır. Yoxsa, təkbaşına heç nə edə bilmərəm. İstəyirəm Elnarə Xəlilova, Lalə Məmmədova, Tünzalə Ağayeva ayağa qalxsınlar. Yeni gələnlərə böyük-kiçik yerini bilməyi öyrətmək lazımdır”.
Müğənni Xatirə İslam həyat yoldaşı Fəxrəddindən danışıb. O,açıqlamasında onunla sevərək ailə qurmadığını bildirib: “Bizi yaxın bir qohumumuz tanış etdi. Ailə qurmaq yaşımız idi, ikimiz də razılaşdıq. Biz sevib evlənməmişik. Amma aramızda elə hörmət olub ki, sonradan sevgiyə çevrildi. Yoldaşım çox fərqli insandır. Dünya dağılsa da, qazandığım pula əl vurmur. Mən ona adi köynək alanda da istəmir. Deyir, özüm alacam. Bir dəfə Nadir Qafarzadə efirdə dedi “mən kişiyəm, pul qazanıram. Xanımımı göndərmirəm ki, get işlə”. Bu sözlərə yoldaşım pis olub soruşdu: “Xatirə, indi elə bilirlər mən də beləyəm?”. Bu sözü hamıya şamil etmək olmaz”.
Müğənni İlqarə Kazımovanın “Yenə yenə” adlı mahnısına çəkdirdiyi klipinin ilk görüntüləri yayılıb. Ekran işinin rejissoru Anar Hüseynovdur. Sənətçi “Yenə yenə” mahnısını ilk dəfə anası, xalq artisti Aygün Kazımovanın doğum günündə ifa etsə də, bəstənin tam versiyası dinləyicilərə kliplə birlikdə təqdim olunacaq. Klipin prodüseri Aygün Kazımovadır. Yeni işindən danışan İlqarə “Mənim klipim yerli şou-biznesdə çəkilən kliplərdən fərqli olacaq. O, Avropa formatındadır", - deyə bildirib. Qeyd edək ki, yaxın günlərdə İlqarə Kazımovanın ifasında daha bir neçə bəstə təqdim olunacaq.
Əhəd Miriyev
Muz-Tv.az
Ehed Abd