Səməd Səmədov 3-cü dəfə baba oldu

Xalq artisti Səməd Səmədovun altıncı nəvəsi dünyaya gəlib. Axşam.az-ın məlumatına görə, iki övlad atası olan müğənninin...

 

   Xalq artisti Səməd Səmədovun altıncı nəvəsi dünyaya gəlib. Axşam.az-ın məlumatına görə, iki övlad atası olan müğənninin qızı Xədicənin üçüncü uşağı doğulub. Çəkisi 3kq 500qr olan körpəyə Səfiyyə adı qoyulub.  Qeyd edək ki, S.Səmədovun Moskvada yaşayan oğlu Anar 3 qız atasıdır.
   Əməkdar artist Murad Dadaşov Karib adalarına yollanıb. Bir həftədir orada dincələn şoumen gəzintidən fotolarını sosial şəbəkədə paylaşıb.  O, şəkillərə “Öləndə məni burada basdırın” sözlərini yazıb.
   "O səs Türkiyə"də yeganə azərbaycanlı iştirakçı Elnur Hüseynov 1/4 final mərhələsində səhnəyə çıxıb. Ebru Gündeşin komandasında yarışan həmyerlimiz Şəbnəm Fərahın "Gözlerimin etrafındakı çizgiler" mahnısını oxuyub. Türk dilində ifasıyla münsiflərin rəğbətini bir daha qazanan azərbaycanlı ifaçı haqqında Ebru bunları deyib: "Elnur çox güclü səsdir. O, bunu elə gəldiyi ilk gündə jüridəki dostlarımın onu ayaq üstə alqışlamasıyla sübut edib". Formata əsasən səhnədə digər komandanın ifaçıları ilə yarışan E.Hüseynov dördlüyün ikincisi olaraq növbəti canlı efirə vəsiqə qazanıb.
   Müğənni Kərim Abbasov qayınanası və oğlu ilə yeni fotolarını paylaşıb. İfaçı şəklə “Allah bütün balaları saxlasın, heç bir valideynə övlad itkisi göstərməsin. Mənim həyatımın mənası Seyid balam” sözlərini yazıb.

 

Əhəd Miriyev

 

Muz-Tv.az