Röya Ayxan: “Sona qədər sizə dəstəyəm”

Müğənni Röya Ayxan Mingəçevirə yola düşüb. İfaçı bu barədə “İnstagram” səhifəsində yazıb:“Bildiyiniz kimi, Avropa...

   Müğənni Röya Ayxan Mingəçevirə yola düşüb. İfaçı bu barədə “İnstagram” səhifəsində yazıb:“Bildiyiniz kimi, Avropa Oyunları 2015-in avarçəkmə üzrə ulduz səfiriyəm. Bu səbəblə yarışın keçiriləcəyi Mingəçevir şəhərinə yollandım. Azərbaycan Avarçəkmə Federasiyasının prezidenti Elçin Zeynalovla, həmçinin avarçəkən idmançılarımızla görüşdüm, yarışların keçiriləcəyi məkanlarda oldum. Federasiyanın peşəkar fəaliyyətini vurğulamasam olmaz. Orada hər kəs öz işini bilir və mən onlara çox inanıram. İstəyirəm bilsinlər ki, mən sona qədər onların yanındayam və dəstəyəm! Uğurlar hər kəsə”.
   Müğənni Vasif Məhərrəmli özü ilə bağlı sirr açıb. İfaçı bir vaxtlar bazarda satıcı işlədiyini söyləyib:“Ləyaqətsizlik etməkdənsə, çalışaraq evinə çörək aparmaq şərəfdir. Ailəsini dolandırmaq üçün insan ofisiant da işləyər, yer də qazar. Ailəmi ayaqda tutmaq üçün hər vasitəyə əl atmışam. Heç vaxt şərəfsizlik etməmişəm. Qazanc dalıyca Rusiyaya getdim, gecələr yatmadım. Vaxt var idi, Moskvada səhər saat 6-da bazarda piştaxtanın arxasında olurdum. Qazanıb valideynlərimə, qardaşıma, bacıma baxırdım. Müğənni olandan sonra həyatım 360 dərəcə dəyişib. İndi mən səhər saat 5-6-da yatıram. Dönüb geri baxanda böyük qürur hissi keçirirəm ki, əziyyət çəkmişəm. Ona görə də gəlib müəyyən yerə çıxmışam. Bu gün Vasif Məhərrəmliyəm, sözünü deyən müğənnilərdənəm”.
   Müğənni İradə İbrahimova və Samir Piriyev duet oxuyublar. “Səni sevirəm” adlı bəstənin sözləri Altay Yaşara, musiqisi və aranjimanı Fərid Kərimliyə məxsusdur.
   Azərbaycanın əməkdar artisti Ədalət Şükürovun ailəsində ağır itki baş verib. Müğənninin atası Zakir Şükürov qəflətən vəfat edib. Allah rəhmət eləsin!

 

Əhəd Miriyev

 

Muz-Tv.az