Murad Arif: “Ayaz Qasımovdan incidim”
Müğənni-bəstəkar Murad Arif ifa etdiyi “Tavla” türk mahnısına görə Ayaz Qasımovdan inciyib.
Müğənni-bəstəkar Murad Arif ifa etdiyi “Tavla” türk mahnısına görə Ayaz Qasımovdan inciyib. Axşam.az-ın məlumatına görə, Ayazın həmin bəstəni oxuması Muradı əsəbləşdirib: “Sənətdə yalnız özüm-özümü təəccübləndirirəm. “Tavla” mahnısını necə oxudumsa, hamının yadına düşdü. Hətta Ayaz Qasımov çıxıb verilişdə oxudu. Ayaz mənə toyların birində demişdi ki, bu mahnını oxuyacam. Dedim, sənə bahalı mahnılar yazmışam, get onları oxu. Niyə "Tavla"nı ifa edirsən?. Necə oxuduğunu eşitməmişəm. Amma bu hərəkətinə görə Ayazdan çox incidim. Mən ifa etdim deyə yadına düşdü? Oxumağa başqa mahnı tapmadı? Bu bəstəni Mirkalamın icazəsi ilə oxumuşam. Ayaz da gedib ondan icazə alardı. Mən hansısa bir müğənni dostumun oxuduğu mahnını yenidən ifa etmərəm. Gərək Ayaz da oxumazdı". M.Arifin sözlərinə görə, onun ifası mahnının türkiyəli müəllifi Mirkamal tərəfindən də bəyənilib: "Mən onun meneceri ilə əlaqə saxladım. Mirkamal deyib ki, həmin oğlan Türkiyəyə gələndə mənimlə görüşsün".
Tanınmış müğənni Sami Yusuf Bakıda ikigünlük konsert verəcək. İfaçının “Sarı gəlin” adlı konsert proqramı 14-15 mart tarixlərində Heydər Əliyev Sarayında baş tutacaq. 20-250 manat arası olan biletləri şəhərin kassalarından əldə etmək mümkündür. Konsert saat 19:00-da başlayacaq.
Türkiyədə yaşayan azərbaycanlı model Günay Musayeva boşanmağa hazırlaşdığı aktyor həyat yoldaşı Tolqa Karellə “Kod adı: K.O.Z” filminin qala gecəsində üz-üzə gəlib. T.Karel jurnalistlərin G.Musayeva ilə bağlı suallarını cavablandırmayıb. Günay isə göz yaşlarını saxlaya bilməyib. Model həyat yoldaşının onun haqda dediyi “Sürücüsü mənə silah çəkdi” sözlərinə etirazını bildirib: “Bu, Tolqanın yalanıdır. Artıq onunla adımın birgə çəkilməsini istəmirəm. Haradasa bu haqda oxuyanda utanıram. Ailəm belə halları qəbul etmir. Bir övladımız var. Ona mən baxıram. Tək istəyim oğluna ata sevgisi göstərsin. Bu vəziyyət ona da təsir edir. Oğlumu ən yaxşı şəkildə böyütməyə çalışıram”.
Müğənni Ayan Babakişiyeva tədbirlərin birində fotokameralara tuş gəlib. İfaçı əyninə qara rəngli şortik və güpur corab geyinib. Sənətçi həmçinin saç düzümündə bəzi dəyişiklərə əl atıb. "Saçlarımı yenidən kəsdirdim. Bu, depressiyada olmağımla bağlı deyil. Adətən xanımlar saçlarını kəsdirəndə deyirlər ki, depressiyaya düşüb. Qaynağı sevmirəm. Fərqlilik istəyəndə ya rəngini dəyişirəm, ya da kəsdirirəm. Onsuz da bir müddət sonra yenidən uzanacaq” - deyə A.Babakişiyeva bildirib.
Əhəd Miriyev
Muz-Tv.az