Emin Ağalarov və Murad Dadaşov bir arada

Əməkdar artist Murad Dadaşov müğənni-bəstəkar Eminlə bir araya gəlib. 

    Əməkdar artist Murad Dadaşov müğənni-bəstəkar Eminlə bir araya gəlib. Axşam.az-ın məlumatına görə, tanınmışlar fotolarını paylaşaraq təəssüratlarını bölüşüblər. Emin şoumenlə fotosuna “Qardaşım, sən möhtəşəmsən. Azərbaycanın bir nömrəli şoumenisən” sözlərini yazıb. Qeyd edək ki, M.Dadaşov hazırda Karib adalarında istirahət edir.
    Müğənni Röya Ayxan avtomobil sürərkən təhlükəsizlik kəmərindən istifadə etmir.  Bu haqda açıqlamasında bildirən sənətçi bunları deyib. “İstəyirlər məni bu saat aparıb qoysunlar “ştrafnoya”, kəmər taxa bilmirəm. Ürəyim sıxılır. Heç vaxt da bağlamayacam”.
    Türkiyədə yaşayan azərbaycanlı müğənni İradə İbrahimovanın həyat yoldaşı ilə münasibətlərinin pozulması barədə məlumatlar yayılıb. Sənətçi isə açıqlamasında bu xəbəri təkzib etməklə kifayətlənməyərək, şayiələri yayanları da qınayıb. "Sənətimə geri döndüm. Getmək fikrim də yoxdur. Bu suala cavab belə vermək istəmirəm. Axmaqlıqdır. Özləri görmək istədikləri kimi məlumatlar yayırlar. Kefimi pozmaq belə istəmirəm. Bakıya qızımla birgə gəldik. Ona burada kifayət qədər vaxt ayıra bilməsəm də, Bakını çox sevdi. Türkiyədə məktəbi, ona aid olan çevrəsi var. İstəmirəm, bir çox şeylərdən məhrum qalsın. Qızımın uşaqlığını yaşamasını istəyirəm".
    Bakıda “TRT Avaz” telekanalının hazırladığı “Avaz” layihəsi çərçivəsində “Avaz” adlı tanıtım videosunun çəkilişləri baş tutub. “Qafqazinfo”nun məlumatına görə, Türk Dünyasının birliyini əks etdirən mahnıda hər bir türk xalqını təmsil edən müğənni yer alıb. Azərbaycanın siması seçilən müğənni Elnarə Xəlilova üçün yaradıcı heyət artıq Bakıda çəkilişlərə yekun vurub. Çəkilişlər Qız Qalası, Şirvanşahlar Sarayı, Karvansaray, Qobustan, Atəşgah məbədi, Alov Qüllələri, Şəhidlər Xiyabanı, Dağüstü Park və başqa məkanlarda aparılıb. “Avaz” tanıtım videosu Novruz Bayramı ərəfəsindən başlayaraq bütün Türk xalqlarının telekanallarında yayımlanacaq, eləcə də radio dalğalarında səslənəcək. Video-çarxı Ali Çiçiek və Ahmet Sabuncu lentə alır. Bosniyada çəkilişlərə yekun vurub Azərbaycana gələn yaradıcı heyət Türkmənistana yollanıb.

 

Əhəd Miriyev

 

Muz-Tv.az