Nailə Mirməmmədli: “Röya Uitni Hyustonun musiqilərinə bənzəyən mahnı ifa etmək istəyir”

Bəstəkar Nailə Mirməmmədli müğənni Röya Ayxanla işbirliyinə başlayıb. Sözləri Cavid Qurbanova aid olan bu bəstə bütün sevənlərə...

    Bəstəkar Nailə Mirməmmədli müğənni Röya Ayxanla işbirliyinə başlayıb. Sözləri Cavid Qurbanova aid olan bu bəstə bütün sevənlərə həsr edilib və canlı simli musiqi alətləri ilə müşayiət olunub. Bu barədə açıqlamasında Nailə Mirməmmədli deyib: Röya deyib indiki üslubdan ayrılmaq və Uitni Hyustonun “Cangüdən” filmindəki musiqilərinə bənzəyən mahnı ifa etmək istəyir.Röya ideyanı verib Türkiyəyə gedib: "Çox əziyyət çəkdim. Hyustona uyğun mahnı yazım, Röya oxusun - bu asan olmadı. Röyanın səs diapazonları aşağı deyil. Onun bəmləri daha artıqdır. Mahnını yazdım, Cavidin kitabından bir şeir seçdim. Röya bizdə olanda süfrə arxasında yemək yeyirdi. Mən mahnını səsləndirməyə başladım. Elə ilk loxmanı ağzına aparmışdı ki, gözündən yaş axdı. Mahnını dinlədi, təəccübləndi. Oturduq röyal arxasında mən ifa etdim, o oxudu. Yaxın günlərdə tamaşaçılar da mahnını dinləyə biləcək".
    Müğənni Günay İbrahimli 14 fevral Sevgililər günündə klublardan birində konsert verib. Sənətçi tamaşaçılar üçün sevilən bəstələrini səsləndirib.
   Müğənni Zamiq Hüseynov əməkdar artist Abbas Bağırovla küsülü olduqlarını etiraf edib. Sənətçi açıqlamasında incikliyin səbəbini açıqlamasa da, qarşı tərəfdən barışıq addımını gözlədiyini deyib: “Abbasla uşaqlıqdan dostuq. Amma bundan sonra bilmirəm dost olacağıq, ya yox. Bir-birimizin evində olmuşuq. Arada inciklik var. Hər şey keçib gedir. Onun ailəsinə böyük hörmət bəsləyirəm. Mənim anam onun qabağına çay qoyub. Həmçinin onun anası... Bunu unutmaram. Aramızda bəzi məqamlar yaşandı. Qismət, görək necə olacaq. İkimiz də qız bürcündənik. Hər birimiz ilk addımı qarşı tərəfdən gözləyirik".
    Müğənni Lətifə Soyuöz 14 fevral Sevgililər gününü Şahdağda qeyd edib.  Türkiyə vətəndaşı olan həyat yoldaşı Dənizlə birlikdə istirahətə yollanan sənətçi fotolarını sosial şəbəkədə paylaşıb. Qeyd edək ki, L.Soyuöz bu yaxınlarda ana olub. Cütlük yeni doğulan oğluna Arif adını qoyub.

 

Əhəd Miriyev

 

Muz-Tv.az