Dostundan Eminə bahalı avtomobil hədiyyəsi

Tanınmış azərbaycanlı bəstəkar-müğənni Emin Ağalarov dostundan qiymətli hədiyyə alıb. 

    Tanınmış azərbaycanlı bəstəkar-müğənni Emin Ağalarov dostundan qiymətli hədiyyə alıb. E. Ağalarov bu barədə “İnstagram” səhifəsində məlumat yayıb. Müğənniyə dostu bahalı avtomobil hədiyyə edib: “Dostum İtalo Fontana mənə inanılmaz hədiyyə etdi. Onlardan dünyada cəmi 50 ədəddir”.
    Xalq artisti Nəzakət Teymurova bədxərc olduğunu etiraf edib. Axşam.az-ın məlumatına görə,müğənni qazancını nəyə xərclədiyini açıqlayıb: “Bu gün qazandığımızı sabaha çatdırmırıq. Evdə o qədər problem var ki... Hələ qadın bədxərc olanda pul heç nəyə çatmır. Yığımcıl qadınlar çoxdur. Mən belə deyiləm. Qazancım özümə bəs etmir. Ailədə çox məsələ həyat yoldaşımın üzərinə düşür. Mənsə pulumu saç düzümünə, geyimə, baxım üçün salonlara xərcləyirəm. Hər gün salonlara gedən xanım pul yığa bilməz. Evdar qadın olsaydım, mən də pul yığardım. Həyat yoldaşımla büdcəmiz eynidir. Amma o mənim əldə etdiyim pula qarışmır”
    "O səs Türkiyə"nin yarımfinal gecəsində azərbaycanlı iştirakçı Elnur Hüseynov səhnəyə çıxıb. Elnur musiqisi Tofiq Quliyevin, sözləri Rəsul Rzanın olan "Yalqızam yalqız" əsərini oxuyub. Ebru Gündeşin komandasında yarışan həmyerlimiz ilk səsvermədə "altılıq"da yer alıb. Şərtlərə əsasən ən az səs yığan iki nəfər yarışmanı tərk etdikdən sonra digər ifaçılar növbəti dəfə çıxış ediblər. Bu dəfə isə E.Hüseynov Serab Erenerin repertuarından "Vur yüreğim" mahnısını səsləndirib. Azərbaycanlı iştirakçı növbəti səsvermə nəticəsində final dördlüyünə vəsiqə qazanıb. O, sabah final gecəsində qalib olmaq üçün yarışacaq. Qeyd edək ki, bütün iştırakçılar və münsiflər heyəti bir neçə gün əvvəl qətlə yetirilən Özgecan Aslanın xatirəsinə hörmət olaraq verilişə qollarında sarğı ilə çıxıblar.
    Türkiyədə yaşayan azərbaycanlı müğənni Azəri Günel Zeynalova nişanlısı ilə fotolarını paylaşıb. Bir müddət əvvəl ayrıldıqlarını açıqlayan sənətçi İnanc Başəyməzlə qartopu oynayıb. G.Zeynalova fotolarla bağlı təəssüratlarını yazıb: “Qartopu uşaqlıq, saflıq, təmizlikdir. Yaşımızın 30-40-50 olmasının fərqi yoxdur, hər birimizin içində uşaqlıq var. Qar yağsın, hər tərəf və pisliklər ağla örtülsün. Necə qartopu oynadıq, sellofanla da sürüşdük... İnancla qartopu eşqi bir başqadır, bəyaz sevgi” . Qeyd edək ki, sənətçinin nişanlısı İnanc Başəyməz iş adamıdır. O, Türkiyədə orta məktəbdə Günellə bir yerdə oxuyub. Cütlük 2011-ci ilin iyununda nişanlanıb. Ötən ilin noyabrında isə G.Zeynalova ayrıldıqlarını bildirmişdi.

Əhəd Miriyev

 

Muz-Tv.az