Əməkdar artist qonorar istəmir

"Efir dəvət edər gələrəm, gözəl çıxışlar edərəm, nəğmələrimi oxuyaram. Amma qonorar istəmərəm". Mtv.az xəbər verir ki, bu sözləri Əməkdar artist Firuzə İbadova deyib. O, müğənni Xatirə İslamın verilişlərə qatılmaq üçün telekanallardan qonorar istəməsi haqqında suala cavab verib. Proqramda qonaq olan Əməkdar artist Cavanşir Məmmədov da Xatirənin istəyinin əsassız olduğunu söyləyib: "Özəl kanallar öz işçilərini güclə dolandırırlar. Onu da düşünmək lazımdır. Əgər indi Cavanşir Məmmədov, Firuzə oxumasa, kanal qara geyinməyəcək. Deməyəcək, görən biz nə edəcəyik. Öz yerimə danışıram, burada başqa məqamlar var. Özəl kanal xalqa xidmət edir. Biz dövlət televiziyasının solistləri olmuşduq. Xatirə xanım da orada çalışsaydı, maaş alardı. İndiki çətin dövrdə özəl kanal özünü ancaq dolandırır".